TUMPUI LOCAL PYD CAROL NEIH A NI

*Dt. 22.12.2017 :*

*TUMPUI LOCAL PYD CAROL NEIH A NI*

Zanin khan Tumpui Local PYD te chuan Christmas Carol neiin mi 40 chuang an kal a, chhungkaw 4 hnenah Krismas thilpek an pe.

He thil pek hi a hmingah Luanchhuahna vuahin Sum ke nghet a kalpui a ni a, member thahnemngaiten kumtluanin hemi pual atan an lo dahthat te vawmkhawm anih piah lamah mi  thahnemngai thenkhat ten an thawh belh bawk a, Local chhunga Chhungkaw harsa zual mi 4 thlanchhuahte hnenah Carol neiin he thilpek hi an hlan a ni.

Kum dangah chuan sumkhawn zawnga Carol thin a ni a, kuminah erawh chuan tih dan thlakin a semchhuak zawngin Carol hi neih a ni thung.

Carol a kalte leh hemi atana mi thahnemngai pawisa thawhtute zawng zawng chungah hruaituten lawmthu an sawi.

Tumpui Local PYD Inkhawm khar a ni

*Dt. 18.12.2017*
*Tumpui Local PYD Inkhawm khar a ni.*

2017 PYD Inkhawm khar hi Bro. Lalrinchhana, Vice President in a kaihruai a, Bro. Lalengmawia'n hunserh a hmang. Member kal an thain hun hlimawm tak hman a ni a, Item nei tura ruat te pawhin tha takin an tihlawhtling thei a ni. Upa Lianthuama, Adviser in kum 2017 PD Inkhawm a khar a ni.

Report thenkhat khaikhawmna :

*Local PYD :*
Member 93 (Mipa - 62, Hmeichhia - 31)
Committee neih zat - Vawi 9
Sum lakluh - Rs. 95977
Hmanral - Rs. 82038
Kuta la awm - Rs. 13939

Kuminah hian hnatlang vawi 11 neih a ni a, Group leh Sub-Comt hi 2 ve ve din a ni bawk. Thlakhata Inkhawm vawi 3na hi Kohhran Chhawmdawlna pua atan dah a ni a Group OB Leadership Training leh Kumpuan Awareness Campaign an nei. Missionary Support ah Rs. 1000/- an pe bawk a, Bial a an Target Rs. 25500 pawh an tlak a ni.

*Upa Biakthanga Group :*
Member - 42 (Mipa - 27, Hmeichhia - 15)
Committee neih zat - vawi 5
Sum lakluh - Rs. 37400/-
Hmanral - Rs. 34702/-
Kuta la awm - Rs. 2698/-

Anni hian hnatlang vawi 20 an nei a, Comt ah te thawhlawm khawnin Local a an Target Rs. 10000/- chu Rs. 200 in an khum a ni.

*Upa Lianthuama Group :*
Member - 45 (Mipa 30, Hmeichhia - 15)
Comt neih zat - Vawi 6

Sum lakluh - Rs. 14734/-
Hmanral - Rs. 14034/-
Kuta la awm - Rs. 700/-

Hnatlang vawi 13 an nei a, COmt ah thawhlawm khawnin Local a an Target RS. 10000/- chu an tlak a ni.

*Kumpuan SUb-Committee :*
Committee neih zat - Vawi 3
Sum lakluh - Rs. 2016
Hmanral - Rs. 1240/-
Kuta la awm - Rs. 776/-

Hnatlang vawi 4 neih a ni a, Kumpuan pualin Article inziahsiak buatsaih a ni a, a tumkhatna ah u-18 leh 18+ ah thenin lawmman 1-3 na te pek an nih bakah a ziak hrim hrimte hnenah lawmman an pe. Category hniha 1na ve ve te thuziak hi Gen. PYD Chanchinbu THLAMUANTU ah chhuah a ni. Kumpuan INTODELH Awareness Campaign neih a ni bawk.

*LAWMMAN LA TU TE :*

*Local PYD :*
Hnatlang tha (80% chin hnatlang) :
T. Upa PC Lalthangdela leh Bro. Lalliansanga Ralte

Inkhawm tha (Hming lam zat - Vawi 38)
1. Bro. Lalbiakhluna & Bro. Lalbiakliana
2. Bro. Malsawmtluanga & Bro. Lalchhuangkima
3. Bro. Lalengmawia

Quiz : Bro. Lalbiakhluna 268pts.

Group titha zawk - Upa Lianthuama Group

PYD of the Year - Bro. Lalbiakliana

Kum upa ber - Sr. Upa Rualchhina

Chanchinbu enkawltute hnenah lawmman an hlan - Upa R. Lalnunmawia Editor & Evan. Zoremmawia Hlond Asst. Editor (Kum 6 ve ve)


*Upa Lianthuama Group :*

Hnatlang tha (80% chin) - Sis. Lalruatfeli
Inkhawm tha ber - Bro. Lalengmawia

*Upa R. Biakthanga Group :*

Hnatlang tha ber - Bro. C. Malsawmtluanga

Comt kal tha ber - Bro. Lalbiakhluna (Vawi 5 ah vawi 5)

Local OB zinga Group tawiawm tha ber - Bro. Lalrinchhana, Vice Presdent

Group OB Active ber - Bro. Lalbiakliana

Group 2 te hian Local OB te thilpek an pek ve ve bakah Group hming putute thilpek an pe ve ve bawk.

Banah Group 2 te Refreshment buatsaih tui tak eia in ho a ni.

*_Ka lo chhinchhiah dan mai a ni a, diklo a awm chuan ngaihdam ka dil a, hruaiturten a dik zawk rawn tarlan mai nise_*