PYD Logo thar

GENERAL LICENCE HOLDER KAN NEIH BELH LEH TA

Dt. 12.5.2018 (Inrinni Zan) Inkhawmah Evan. H. Lalnunzira chu Pastor B. Vanlalruata, Bialtu Pastor-in Gen. Licence Holder Fellowship Card leh Certificate a hlan a, heti hian kan Local-ah Gen. Licence Holder pahnih kan nei ta a ni.

Evan. H. Lalnunzira hian 2014 khan Local Licence hi a lo la tawh a, PSM ah C. Th zir zovin hmun hrang hrangah District in rawngbawl turin a tirchhuak a, kumin khan District Missions Department hnuaiah Home Missonary nghet ni turin lak niin tunah hian Dilzawl ah a awm mek a ni.

TRINITARIAN KA NIHNA ANGA ZAWHNA KA CHHAN THEIH LOH TE

Volume  IV  :   Issue No. 23 : Dt. 8th  June 2014 (Sunday) :The Pentecostal Conqueror Page - 3

TRINITARIAN KA NIHNA ANGA ZAWHNA KA CHHAN THEIH LOH TE

Rick Flores


Pathian pakhata minung pathum awm ringtu ka ni a. Pa, Fapa leh Thlarau Thianghlim te ringtu ka ni. An pathum hian an intluk tlang a, chatuan atan an ni vek a, thenhran theih loh, thuneihna thuhmun nei an ni tih hi ka rin dan chu a ni. Ka theih ang tawka Pathian thu te ka chhiar hian Pathian inpuanna thuruk hmuchhuakin ka inhria a. Chu chu Isua Krista hi Pathian, Pa kan tih bik Tisaa a lo channa a ni a, Thlarau Thianghlim kan tih lah chu Pathianin chatuan atana a mite a awmpuina tur atan a inlanna a ni bawk si a, chuvang chuan Trinity chungchangah hian heng zawhna ka siamte hi ka chhang thei lo va, Trinity hi a rintlakah ka ngai thei lo a ni.

1. Isua(Pathian Fapa) kha chatuan atan a hring a hranin, a tir atangin Pathian dinglamah thu tak tak ta se engtin nge Pathian a Fa mal neih chhun ni tura Mari kawchhungah a pai tir? Chhul a Naute a insiam turin khawi ah nge a kal ang? Embryo (Chi) ni turin Pathian hnen ata a kal bo ta emni? Hetih hunlai hian Trinity a member pahnih (Pa leh Fapa) chauh hian he thil hi an kalpui emni?

2. Fapa Pathian chu a hring a hranin, a tir atang rengin Pa Pathian nen awmdun zel ta se, Pa leh Fapa nia inlaichinna engtin nge an neih theih? NU tel lovin engitn nge Fapa a nih ngawt theih? Anih leh Thlarau Thianghlim Pathian nen enge inlaichinna an neih?

3. Khawi ziakah nge Fapa Pathian tih leh Thlarau Thianghlim Pathian tih in hmuh? Bible chang tanchhan tur a awm em? 

4. Pa hming chu enge ni ta ang? Thlarau Thianghlim hming pawh chu? Pathian Pakhat ringtu (Oneness) te hian engvangin nge Isua chauh tia Pathian hming pakhat atana Isau tih chauh an pawm?

5. Isua Krista thupek, Matthaia 28:19 ami hi Hnamtin ami te Pa leh Fapa leh Tharauthianghlim hminga Baptist tur ni ta se engvangin nge Isua Zirtirte ho khan Thuthlungthar hunah ringthar apiangte Isua hminga an Baptist si? ( TT 2: 38; 8: 16; 10: 48; 19:5; 22: 16; Rom. 6: 3; 1 leh I Korinth 1:13 te en la)
a) Tui Baptisma Isua hmingin an chantir : Hei hi Pathian thu nge mihring thu mai? (Pathian thu ni ta se, Isua hmingin Baptisma i changin i puang chhuak em? A nih loh leh, mihring thu ni ta se, Thuthlung Thara Baptisma channa hmin awmchhun, Isua hming 
Baptisma chan hi engvangin nge Pathian hian a pawm ang min han hrilhfiah teh? An in chantir bawk si a..
b) Apostol ten Isua hmingin an Baptist si a, an ti dik lo tih hi i ring ngam tak tak em?

6. 'Trinity' tih hi a awmzia takah chuan 'Pathum hlawm khat a awm' tihna a ni a. Anih chuan, "Thianghlim Pathum" tiin huai takin kan sawi ngam em? Hei hi Israel ten Pathian Thianghlim pakhat an rinna kalh a ni lo thei dawn emni? Pathian nihna dik tak chanchin i ziah hmain hei hi han chhang teh, Holy Trinity tih leh Holy Three tih hi?

7. Engvangin Thuthlung Hlui hunah khan Pa Pathian khan Fapa Pathian leh Thlarauthianghlim Pathian hi a mite hnenah khan a in hmelhriattir ve loh? engvangin nge Israel te hnenah Pathian Pakhata minung Pathum chanchin an fa te hrilh tur leh zirtir tura a tih loh?

  8. Apostle te khan an thinlung tihvar a nih hnu khan  leh, Tirhkoh Paula'n Pathian hnen atanga Direct taka Inlarna a dawn khan Minung Pathum anga a inpuan loh? Engti zawng pawhin, History leh awihawm tak pawhin "Pathian Pakhata Minung Pathum chanchin dik tak" hi sawi pawh ni ula, kum 150 chhung vela Thuthlug Thar Kohhran din chanchin te in chhiar chian chuan a dik loh zia in hmu chuai chuai ang.

9. Nangmah ah khan Thlarau engzat nge awm? Pa Pathian Thlarau nge? Thlarauthianghlim Pathian Thlarau? Nge ni a, Isua Krista Thlarau? (Rom 8:9)

10. Pathian pathum leh minung pathum danglamna enge ni? In Tawngtaiin leh lawmthu in sawi a, fakna in hlanin minung hrang Pathian pathum hnenah a hrang theuin emni hlan tur? A hrang hlak an ni si a... Nihna hrang thiau, duhna pawh hran, an chet dan leh hnathawh pawh hran vek an ni lo em ni? A mal te te hian Pathian tia koh vek tur a ni meuh em?

11. Pa Pathian leh Thlarauthianghlim Pathian te hi mi hrang pahnih ni ta se, a tu zawk hi nge Isua pa chu ni ta ang? Luka 1:35-ah chuan " Thlarauthianghlim i chungah a lo thleng ang a, chungnungbaera thiltihtheihnain a hliahkhuh ang che; chuvangin mi thianghlim lo piang tur pawh chu Pathian Fapa an ti ang" tih a ni a, Matthaia 1:20 ah chuan "a nau pai chu Thlarauthianghlim laka mi a ni asin" tiin Josepha hnenah Vantirhkoh khan a hrilh bawk si a. A raitu ni si lovin Pa Pathian chu engtin nge a Pa tak tak a nih theih?

12. Isua hi hmuhtheiloh Pathian anpuii ani tiin Kolossa 1:15 ah kan hmu a, Pathian chu hmuh theih loh a nih a, Thlarauthianghlim pawh chu Thlarau a nih si chuan si chuan engtin nge pakhat aia tam kan hmuh theih ang? Thlarauthianghlim pawh chu Thlarau a nih si chuan? Engvangin nge Thupuan Bung 4 chang 2 ah Johana khan Lalthuthleng a hmuh kha Pakhat chuah niin chutah chuan mi Pakhat chauh a thut thu a lo ziah chhuah?

13. Heng Pathian pakhata minung Pathumte hi an in tluk tlang a, thenhran theih loh an nih a, thawkho vek an nih si chuan Tirhkohte Thiltih 4:12 a kan hmuh ang hian kan Chhandamna hi Isua Krista ah chauh engtin nge kan hmuh si?

ZUALKO

Hming : Bro. PC Vanlalrema (Kum 55)
Natna : Pumna
Thihni : Dt. 7.2.2018 (3:10am)
Vui hun : Dt. 7.2.2018 (1:00pm)
Vuitu : Evan. H. Lalnunzira

Member thar lawmluh zan hmang

Dt. 5.2.2017 (Thawhtanni Zan) khan Tumpui Local PYD chuan Member thar lawmluh inkhawm buatsaihin Bro. Lalliansanga Ralte chuan a lawmlut. Member thar lawmluh tih hian kum danga PYD member la ni ngai miahlo rawn nitharte lawmluhna a ni.

Sis. Lalremruati Renthleiin Inkhawm kaihruaiin Bro. Lalbiakchhunga'n hun hmasa a hmang a, Bro. C. Lalmawizuala hnen atangin Pathian thuchah ngaihthlak niin Local PYD Treasurer-in member tharte hi a lawmlut a ni.

Hemi zan hian Hming lam tan niin Bible Quiz neih tan a ni bawk a, Sis. R. VL Khawngaihi, Asst. Secretary-in Quiz a buatsaih.