PYD BETHEL CUM ZIRLAI HLAWHLTING LAWMPUINA HUN HMANG :

 PYD BETHEL CUM ZIRLAI HLAWHLTING LAWMPUINA HUN HMANG :

Dt. 1.11.2020 (Chawlhni Zan) 6:30pm khan Local PYD te chuan Tawngtai Bethel leh Zirlai hlawhtling lawmpuina hun an hmang a, mi 20 an tel.

Bethel hi kum 2020 Bial PYD inkhawmpui rorel bawhzuina niin Covid19 avangin Bial huapa a huhova hmang lovin Local hrang hrangten mahni remchan dan anga hman tura rel a ni a, Local Task Force phalna angin hun hi hman a ni.

T. Upa C. Lalmawizuala, President-in a kaihruai a. Hetiang hun hman theih a ni chu lawmawm a tih thu sawiin member kalte hnenah lawmthu a sawi a. Evan. David Zothansanga Ralte, Bial PYD President-in thuchah tawi a sawi. Rorelna awmsa angin Thlarau la dawnglote puala tawngtai a ni a, hemi hnu hian Zirlai hlawhtling lawmpuina hun hman chhunzawm a ni.

He hun hi Sis. C. Lalruatfeli, Treasurer-in a kaihruai a, tun tuma lawmpuina pekte hi Bro. Lalruatkima MA (Library & Information Science) leh Bro. C. Lalduhawma, BA (Geography) te niin anni hi 1st Division-ah ve ve an pass a ni. Lawmpuina thuziak hi Evan. David Zothansanga Ralte-in a hlan.

Inkhawm banah hian Unaupa Lalduhawma te chhungin Pass lawmna thingpui leh chhang an buatsaih chu eia in ho a ni.

Lawmthu sawina :

Engkima min hruai thintu Pathian chungah.

He hun hman phalna petu Local Task Force te chungah.

He huna lo kal PYD member te leh nu leh pate chungah.

Ei leh in tui tak min hluitu Unaupa Lalduhawma te chhungkaw chungah.

Hun min rawn hmanpuitu Evan. David Zothansanga Ralte, Bial PYD President chungah.

Biak In Verandah Ceiling siam zo

Biak In Verandah Ceiling la siam loh chu siam zawh a ni ta. Mipa lam Ceilin g hi kum 2014 khan Local PYD ten anmahni sum sengin an lo siam tawh a, Dt. 12.7.2014 khan zawh fel a ni a, an Tile hman bang pawh dahthain tun tumah hian hman zawh a ni a, a daih lohna hi Upa R. Lalnunmawia'n a tum a ni.

Hmeichhe lam Verandah Ceiling siam hi October ni 7, 2020 khan tan a ni a, October ni 10, 2020 khan siam zawh niin rawng erawh hnawih a la ngai.

Ceiling siamttute hi kum 2014 a siamtute tho; Unaupa K. Lallawmzuala leh Unauapa R. Lalnunzira te ho tho an ni a, Mistiri hi a ngai chiah chiah a ni.

Verandah ceiling siamna atan hian mithahnemngaiten chhun ei leh in bakah hmanruate an rawn thawh thin a, an chungah Local Churchboard Committee chuan thinglung takin lawmthu a sawi a ni.

1986 kuma Tumpui LAD Thlalak

Tumpui LAD ten kum 1986-a a huhova an thlalak  Pi Lalhmuaki W/o Pu Ralaithanga hian a lo kawl tha hlauh mai a, min hawh tir a, a chungah kan lawm hle mai.

Archive Cell hmalakna thar

 Vawiin, Dt. 27.09.2020 khan Local Archive Cell chuan vawnthat atan leh Golden Jubillee puala hmalakna chikhat atan Tumpui UPC hruaitu hmasa te an kawm a, an kawmna hi Video leh Still a lak niin video hi remchang hmasa berah Local Archive Cell Youtube Channel-ah dah tum a ni. Vawiina an kawmte hi Upa Ralaithanga leh Sr. Upa Lalsangluaia te an ni.