Kohhranpui Kumthar Setup Committee_31.12.2019

Dt. 31.12.2019 khan Local Churchboard Committee neih niin kum 2019 a thudah tihhlawhtlin dan tur bakah 2020 atana hma lak dan tur an rel a, zanriah an kilho nghal. An rorel tlangpui te :



 Kumin Rising Day (January ni 12) chu Chawlhni a nih avangin chhun atanga zan thleng hman turin an rel a, chhunah T. Upa C. Lalmuanawma’n thuchah a sawi ang a, zanah Upa R. Lalnunmawia’n Kohhran chanchin sawiin Upa PC Lalthangdela’n Pathian thuchah a sawi ang. Zaithiam zai ngaihthlak tur a awm ang a, chhun leh zanah thingpui lum tur niin Senior leh Doctrinal Department ten an lum ang.



 2020 Biak In enkawltu atan diltu awmchhun Bro. C. Lalramchhuana lâk leh niin January 2020 a\angin a thawk tan ang. Lawmman tur hi Dept. tinin thlatin Rs. 250/- leh Churchboard member chinin thlatin Rs. 100/- theuh an thawhkhawm ang.



 Kum 2020 atang chuan Special Fund hi a ke nghet atan dah a ni a, Thawhlawm Ip ah pawh la telh zel tur niin Krismas pual pawh dah tel a ni ang.



 Kuminah hian Kohhran inchhiar thain Census neih tura rel a ni a, Upaten mahni Bial theuhah hma an rawn la ang a, mahni Certificate neih ang angte lo haichhuaka lo inrin lawk tur a ni ang.



 2019 Buhfaitham tham thate hi January ni 5 ah lawmman pek an ni ang. Nilaini Zan inkhawm tha 1-3 te hi Dt. 12.1.2020 (Rising Day Zan)-ah lawmman pek an ni ang. Kuminah hian Nilai zan inkhawm hming chhinchhiah lehin lawmman siam leh tum a ni bawk a, hei hi Nilai Zan thupui zir tan zan Dt. 15.1.2020 atanga chhinchhiah \an tur a ni. Nilai Zan thupui hawngtu turin T. Upa VL Dika Pachuau ruat a ni a, thingpui buatsaih tur niin kumtawpah khar leh tura ruahman a ni.



 Baptisma khur cheithat chungchangah enho niin OB ten a tul angin hma an la chhunzawm dawn a, Biak In Gallery panna leilawn siam tura ruahman niin Secretary-in hma a lo la dawn a ni. Biak In zauh/cheithat chungchangah Bank lam dawr tur an inruat a , an in biakfel hnuah tha thara ngaihtuah leh a ni ang.



 Kuminah hian PMF din tura hmalak tur niin Upa PC Lalthangdela, T. Upa C. Lalmuanawma leh T. Upa Lalchamliana te Convener atan ruat an ni a, January 2020 chhungin Member tur an zawngkhawm dawn a ni.



 Pulpit a hun tur Dawhkantê siam tura rel niin hei hi Dt. 2.1.2020 khan siam fel a ni a, thawhlawm ziaktu hman tur dawhkan pawh siam a ni. Hemi ni vek hian Kohhran bungbel enfel a ni bawk.



 Golden Jubilee (2032) atan Dept. tinah Rs. 2000/- theuh Target tuk an ni a, kumitin ennawn tura rel niin Thawhlawm Ipah chhungtin thawh theih turin dah tel a ni bawk ang.

Kumtawp Report Pek Inkhawm buatsaih - 31.12.2019

Dt. 31.12.2019 zan khan Local Kohhranpui leh Department hrang hrang hmalak dan report ngaihthlak a ni a, report a\anga a lan danin heitang hi kan dinhmun tlangpui a ni.

Kohhranpui : OB 4 an awm a, Comt. member hi an vaiin 11 an ni a, kum 2019 chhungin vawi 10 an Comt hman a ni. Member hi 280 (Mipa 140, Hmeichhia 140) kan awm mek. Kum 2019 chhung khan Rs. 261462/- lalutin Rs. 214726 hmanral a ni a, kutah Rs. 46736/- hman bang a awm a, hetah hian Bank Balance Rs. 25000/- a tel. Building pual hian Rs. 86533/- hmuhchhuah a ni a, Rs. 61130/- hmanral niin Rs. 25403/- Balance a awm.
2019 ah Rising Day hman niin Nilai Zan inkhawm chhinchhiah thin a ni a, lawmman siam a ni. Home Missionary Support pek a ni a, Dilzawl Missionary Qrs. mamawh thilpek pek a ni bawk. Rammutthla hmangin Project Local tlawh a ni a, Family Target leh Special Fund te siam a ni. Member boral 4 awmin damlo mi 5 kanna sum pek a ni.

Missions Dept. : OB 3 an awm a, Comt. member hi 20 awmin vawi 3 an Comt. hman a, Rs. 140787/- lalutin Rs. 109755/- an hmang ral a, kutah Rs. 31032/- an kawl mek. Thlatin second sunday apiangin thawhlawm khawn thin a ni a, target tuak nan Appeal an neih bakah vawi engemzawzat an hnatlang.

Sunday School Dept. : OB 3 an awm , an vaiin Comt a tel hi mi 9 an ni a, comt vawi 5 an nei hman. Puitling lamah hmingziak hi 135 (Mipa 51, Hmeichhia 76) an ni a, naupang lamah hian hmingziak hi 99 (Mipa 51, Hmeichhia 48) an ni thung. Rs. 79862/- an lalut a, Rs. 49252/- hmangralin Rs. 30610/- hman bang an nei.
SS Day ah sawhchiar leh thingpui an buatsaih a, Kohhranah Thlatin Rs. 250/- an chhung thin a, Home Missionary Support an pek bakah Target an neihte an tlak vek a, SS Conf. intihsiakah pakhatna niin lawmna hun an hmang.

PYD : OB 6 an awm a, Adviser 1 neiin Comt. member 19 an ni a, comt. hi vawi 7 an nei hman. Member 94 (Mipa 64, Hmeichhia 30) an ni a, Rs. 218938/- lalutin Rs. 192369/- an hmangral a, Rs. 26569/- an hmang bang.
Chanchinbu an tichhuak thin a, Sound mixer thar leiin Group 2 leh Sub Comt pakhat an din bakah Usher leh Refreshment ah incharge an inruat bawk. PYD Day ah vengchhung an tifai a, Home Missionary Support an pe a, Hqrs. Local (Venglai) an tlawh a ni. Bial PYD Thupui “Thlarau Thainghlim nei rawh u” tih hmangin chawnghei tawngtai an neih thin bakah PYD Inkawm hun bik ruatah thupui atan an hmang thin a, hnatlang vawi 21 an nei. Bial a an Budget an tlak vek bawk. Group Meet te an hmang a, Good Friday venpui zanah hun an hmang bawk. Kohhranpuiah thla tin Rs. 250/- an chhung thin a ni.

LAD : OB 6 awmin Adviser pakhat an nei a, Comt member 21 awmin vawi 10 an comt hman a, member hi 76 an awm. Rs. 165345/- lalutin Rs. 150046/- an hmangral a, Rs. 15299/- an hmang bang.
Group 2 an din a, target te an siam sak a, Decoration & Refreshment Sub-Comt an din bawk a, Project atan Water Coller an neih chu an tihlawhtling bawk. Dist. LAD thucuak angin thlatin chawnghei tawngtai an neih bakah inkhawm thupuiah hman thin a ni. Kohhranpuiah hian thlatin Rs. 250/- an thawh bakah an Target zawng zawng an tlak a, member damlo damdawiina awm Rs. 500/- in an kan thin a,  boral an awmn Pangpar an dah bakah an ral thin. LAD Day pawh awmni khamin an hmang a, zanria an kilho bawk. Hantlang leh thawhlawm thawhtein sum an tuak thin a, Bial Conf. rorel angin Venglai an tlawh.

** Kum 2019 chhung hian member 4 (Hmeichhia vek) kan sun a ni.