ZIRLAI HLAWHTLINGTE PUALIN HUN HMANG

 ZIRLAI HLAWHTLINGTE PUALIN HUN HMANG

Local PYD chuan kum danga an lo kalpui tawh ṭhin angin Dt. 25.06.2021 (Zirtawpni zan) dar 7:00pm khan kum 2020-2021 session chhunga HSLC leh HSSLC zirlai passed tharte pualin hun an hmang. He hun hi Biak Inah hmangin Zirlai hlawhtling tharte hi Thuziak (Citation) an hlan.

Lawmpuina hun hi Local PYD President T. Upa Lalmawizuala'n a kaihruai a, Local PYD Secretary Evan. Lalrelkima Renthlei chuan hunserh a hmang bawk. Kan local aṭanga Bial PYD hruaitu kan neih pahnih, Upa Pc. Lalthangdela, Bial PYD Secretary leh Sis. Zoramthari, Bial PYD Treasurer te chuan sawm an nih angin he hun hi an hmanpui bawk a, zirlai passed thar te fuihna thu ṭha tak an hnen aṭang hian ngaihthlak a ni a; a hlawkthlak hle a ni.

Tun ṭum ah hian zirlai hlawhtlinna chang te hi mi sawm leh pakhat niin, heng zirlaite hnenah hian lawmpuina thu ziak Local PYD hmingin hlan vek an ni a, lawmpuina hlan tur zirlai sawmpakhat zingah hian zirlai sawm an kal thei a ni.
Zirlai hlawhtlinna chang te:

HSLC
1. Sis. Lalhruaihlui D/o Upa Lalchamliana, Distinction (L - E, Miz)
2. Bro. Remruatkima S/o Sis. Thanṭhuami, III Division
3. Bro. C. Vanlalliana S/o Bro. Lalthanmawia, III Division
4. Bro. Nathan Vanlalhluna S/o T. Upa C. Lalmuanawma, III Division.

HSSLC
1. Bro. Lalparliana Hlondo S/o Bro. H. Rolawmsanga, 2nd Division (Arts)
2. Bro. Freddy Lalrinkima S/o Bro. John Lalchungnunga, 1st Division (Science)
3. Bro. Lalnunfela S/o Bro. Lalnunsiama, 1st Division (Arts - Letter in Mizo)
4. Bro. Lalmalsawmzuala S/o Bro. Malsawmkima, 1st Division (Arts)
5. Bro. Lalhruaizela S/o Bro. Vanlalruata, 1st Division (Arts) 
6. Bro. Lalrosanga S/o Bro. Rodinliana, 3rd Division (Arts) 
7. Sis. Lallianzuali D/o T. Upa H. Lalfakzuala, 2nd Division (Science)

Pathian thu leh zirna pangngaia hlawhtlinna changte pual hian kum tinin Local PYD chuan hun a hmang ṭhin a, zirlai halwhtling tharte hi lawmpuina thu ziak mawi tak hlan ṭhin an ni.

Hrileng avanga sorkar-in pungkhawm tur zat bituk a siam avangin zirlai passed thar zawng zawngte bakah, Local PYD O.B te leh Ex-officio ten he hun hi an hmang a ni.

Unaunu Saihnuni ral

 Unaunu Saihnuni ral

Dt. 7.6.2021 a boral Unaunu Saihnuni chu Dt. 13.6.2021 (Chawlhni) Zing dar 7 khan Kohhranin a ral a, Local LAD te pawhin an ral ve nghal bawk.

Covid-19 boruak avangin raln hun hi Churchboard hruaituten an hmang a, Evan. Zoremmawia Hlondo in kaihruaiin thuchah a sawi.

Kohhran aiawhin Kohhran Treasurer, T. Upa VL Dika Pachuau chuan ralna thilpek a hlan a, Local LAD aiawh Unaunu Lalhmingmawii, Local LAD Treasurer-in ralna thilpek a hlan bawk.

Chhungkaw aiawhin T. Upa C. Lalmuanawma'n thu a sawi a, mihring lam taka tawrhthiam har a tih thute leh anmahni tichaka tanpui tura tawngpui nasat an mamawh thu sawiin; lo tawngtai pui reng turin Kohhran hote a sawm a ni.

Evan. Zoremmawia Hlondo (A ni hi Kohhran Secretary Home Quarantine vanga hun hmang tura ruat a ni) chuan thuchah a sawi a. Pathian thlamuana; rilru reng renga hriat sen loh kan neih theihna tur chu Philipi 4:5-6 a kan hmuh angin tawngtai hi a ni tiin, kan tawngtainaah pawh Paula sawi angin kan duhnate hi Pathian hnena thlen kan hreh tur a ni lo a ti.

Hun kharna atan Upa R. Biakthanga, Kohhran Chairman chuan thutawi sawiin Kohhran kuangkuah thintu kan chân chu uiawm a tih thu a sawi a, Kohhran hote an kuangkuahnaah Kohhran mite hian zir tur kan ngah zia sawiin a tawngtai a, hun tih tawp a ni.

Kohhranin inralna kan kalpui dan hi YMA huntawp atanga chhiara Chawlhni hmasa ber zingah kan inral thin a, Covid-19 boruak avangin Kohhran pum huapa ral lovin Kohhran hruaituten hun an hmang thin a ni.

Sis. Saihnuni kan chan ta

 Sis. Saihnuni chanchin tlangpui : 

Kan sun mek Pi Saihnuni Sailo hi Saithuama Sailo (L) leh Darpuii (L) te fa upa ber ni turin kum 1942, November ni 15 khan Chalrang khua ah a lo piang a. Unau pianpui 6 neiin chungte chu :-

1. Lalvuana Sailo (L) Bukvannei

2. Lalhlimpuii W/o Laltawna (L), Kolasib Vengthar  

3. Lalremsiami W/o Lalsawia (L) Aizawl

4. Lalthanpuii W/o Lalpanthanga, Aizawl

5. Lalrimawii W/o Kawlremthanga, Bukvannei

6. Hmangaihrammawia H/o Lalbiakzuali, Kolasib

Kum 1957 khan Chalrang atangin Hriphaw ah an pem a, Hriphaw ah hian awm rei lovin, 1958 ah Kolasib ah an pem leh a, hetah hian an awm hlen ta a ni. Kum 1961 April thla chawhma lamah Sr. Upa Lalsangluaia Chenkual(L) nen inneiin, fa 6 an nei a, chungte chu :-

1. C. Lalnunhlima (L) H/o Lalthazovi

2. C. Hrangchungnunga H/o Lalrinchhani

3. Zairemchhungi W/o Zoramchhana

4. Lalduhawmi W/o Lalfakmawia

5. T. Upa C. Lalmuanawma H/o Lalzarzovi

6. C. Lalrammawii 

Tu hi 25 neiin tuchhuan 26 a nei bawk a. A pasal Sr. Upa Lalsangluaia hi May ni 4. 2021 khan a boral tawh a ni.

Kohhran lamah :

Kum 1975 April ni 20 ah Rev Saihnuna kutah Isua hmingin Baptisma a chang a. Kohhran ah a phak ang tawk a rawngbawl mi niin LAD (Kohhran hmeichhia) ah Committee Member ni lai mek a ni a. Kohhran Inrinni zan leh Pathianni Chhun hun hmangtu te pawh a lo ni tawh thin a, tunah hian Kohhran ah Tantu dinhmun a luah mek a ni. 

A dam chuan Kohhran inkhawm thulh ngai lo a ni. Dammawh hritlan leh harsatna hrang hrang a tawh chang ni pawha Pathian a beiseina nghet tak nei mi a ni.

A nat dan :-

Kum 2020 January thla tawp lam khan a khak tlem a rawn thi a, TB a nih palh te hlauin Kolasib Damdawi In ah an in entir a. A khak leh thisen te an lo test tir a. Doctor ten Damdawi te lo chawhin a ei lai chuan a tha viau a, a ei loh ve leh a khak a thi leh nghal a. Doctor in CT Scan te Aizawl ah ti tura an rawn angin, Ebenezer Hospital ah CT Scan te tiin a Chuap ah bawk a awm tih hmuhchhuah a ni a. A chuap bawka  thisen te la in test leh a ni a. Dt 10.2.2020 khan Chuap Cancer a ni tih hmuhchhuah a ni a. Theih tawpa in enkawl an duh viau laiin a kum lam a a upa a lo ni tawh a,  a taksa in Cancer Treatment lak a zo dawn tawh lo a Doctor ten an hriat avangin, treatment la lova mahni In lama inenkawl mai tura an rawn angin, Dt 13.2.2020 Aizawl a\angin Kolasib lamah an rawn haw thla ta a ni.

In lamah tu leh fa ten theih tawp chhuahin an enkawl a, Kolasib Damdawi In ah te pawh a lut leh \hin a, a that deuh ve leh In lamah enkawl a ni leh thin a. Kumin kum tirlam atang khan a Awm veilam hi na a ti thin a,  Doctor te rawn in In lamah enkawl zel a ni a, April 2021 thla tawp lam atang khan a chau zual deuh a, hetah pawh hian Doctor te rawnin a rawn tha leh mai thin a. Hetiang a nih mek lai hian Dt 5.6.2021 Inrinni khan a khua sikin a chau zual a, Pathianni ah a hrawk a ri deuh berh berh a awm avangin Damdawi In ah kalpui a ni a. A hrawk a tuihnang awm te an lo siak chhuahsak a. A ziaawm pui chuan loh avangin Oxygen nen In lamah enkawl a ni a. Theih tawp chhuah a kan inenkawl chungin Dt. 7.6.2021 dar 12:25 AM khan a rawng a bawlsak \hin a Lalpa hnenah chawl turin min kalsan ta a ni.