Kolasib Venglai Bial Pastor Induction Service
Kaihruaitu - Rev. PC Laltlankima, Kawnpui Bialtu Pastor
Ṭan hla - KHB No. 84 "Isua hming a sang ber a"
Induction - Rev. PC Laltlankima
Thusawi & Introduction - Upa Lalremliana, Bial Secretary
Thusawi tawi - Rev. R. Lalnithanga
Ban hla - KHB No. 300 "Nangni chhandam fate tho r'u"
Benediction - Rev. PC Laltlankima
Pastor thar laluttu Rev. PC Laltlankima chuan Induction Service hmang tura ruat a ni chu lawmawm a tih thu a sawi a. Thufingte - 27:23 chhiarin Kolasib Venglai Bial hi Pastor leh rawngbawltute hmangaihna nena thawhpui a, ṭha taka lo thawhpui ṭhin Bial an nih thu sawiin Kohhran rorelna zawm leh taima taka enkawl hi Pastor te tih tur a ni a ti. Rawngbawltute hi taima tur kan ni tiin Pastor-te mawina chu Bial mipuite kan ni a, Pastor-te pawh hi thurawn hrisel pe thintu kan nih a pawimawh a ni a ti bawk.
Pastor thar chanchin tawi a sawi a, Isua hminga lawmlutin a ṭawngtai sak a ni.
Upa Lalremliana, Bial Secretary-in inhmelhriattirna neiin Bial dinhmunntlangpui report a pe a, tun dinhmuna Kolasib Venglai Bial dinhmun chu hetiang hi a ni :
T. Upa - 15
Lic. Holder - 5 (Ordination 1, Gen. 2, Local 2)
Sr. Upa - 6
In - 277
Member - 1164 (Inthen hma - 1771)
Mipa - 583
Hmeichhia - 581
Kum 18 chunglam - 744
Local hrang hranga member awm dan :
Venglai - 502
Tumpui - 281
Tuiṭhaveng - 241
Project - 140
Pastor thar Rev. R. Lalnithanga'n thusawiin Pastor te hna pawimawh tak pakhat chu Kohhran hmasawnna tura enkawl leh a ṭhatlohna siam ṭhat a ni a, hemiah hian thurawn kan mamawh a ni a ti a. Sam 100:2 chhiarin thlarau Kohhran nisi kan buai leh ṭhinna chhan chu Lawm chunga rawng kan bawl ṭhin loh vang a ni a ti a, lawm chunga rawngbawl turin Bial mipuite a chah.
Bial mipui fel tak takte leh Bial hruaitu te, Dept hruaitu thawhpui tur fel tak tak hnuaia rawng a bawl tur chu hahdamthlak leh thlamuan thlak a tih thu a sawi.
Tlang taka thil sawi mai ṭhin a nih thu sawiin Venglai Bialten Pastor reng reng Pastor ṭha takah in chhuah zel angin Pastor ṭha takah min chhuah ve ka beisei a ni a ti bawk.
Pastor te hi mize hrang hrang an nih avanga Bial Inkaihhruai dan inan lohnaah Bial mipuite hriatthiamna a ngen a ni.
Rev. Lalnithanga Chanchin tlangpui :
Rev. Lalnithanga hi a pa hming chu R. Tawnluia a ni a, an unau hi 9 niin mipa 5 leh hmeichhia 4 an ni.
Vairengte khuaah a piang a, a nupui hi Sis. Lalnunhlimi (Manuni) niin ani hi Thinghlun khua a ni a, fa 4 an nei a, mipa 2 leh hmeichhia 2 an ni.
Kum 1995 khan CBI, Shillong-ah a lut a, kum 1997-ah B. Th. tha takin a zo a. Kum 1998-ah Gen. Licence lain hemi kum vek hian District-in Fulltime Tirhkoh atan a la a, Thinghlunah bul a ṭan a ni. Tirhkoh a nih lai hian Tuidam leh Bawrai-ah te hlawhtling takin rawng a lo bawl tawh a.
Dt. 15.3.2004-ah Dist SS Secretary & Treasurer atan ruat a ni a, kum 2009 Jan ni 1-ah Pastor atan lak niin Kanghmun Bialah a awm a. Hemi hnu hian Hunthar Bialah a awm leh a, Phainuam Bial-ah awm lehin kumin atang hian Kolasib Venglai Bial-ah a awm dawn a ni.
Amah hi Pastor taima leh mawng zang tak a ni a, hna pawh a thawk chakin a bial chhung mipuite a hre hneh hle thin a, hma pawh a la chak em em a ni.
