TUMPUI LOCAL CBC - 2025&2026

 

KOHHRAN FORM

 KOHHRAN FORM

Dt. 21.12.2024 (Inrinni Zan)

Zanin khan kum 2025 & 2026 atana Ṭumpui Local Church Board Form a ni a. Rev. R. Lalnithanga, Bialtu Pastor-in Kohhran hi form-in Evan. Vanlalhruaitluanga leh Evan. H. Ramdingliana ten an pui a ni.

Pastor-in thuchah sawiin Tirhkohte Thiltih 20:25-31 leh 1 Timothea 3:1-12 a chhiar a, member mila Upa leh T. Upa neih theih zat sawilangin Kohhran enkawl kawngah Upa te leh T. Upa te pawimawhna leh an mawhphurhna hrang hrang tarlangin, chanvo hlen tura inbuatsaih zel a ṭul thu a sawi a. Krista taksa siam puitlin hi Kohhran hruaitute leh rawngbawltute mawhphurhna pawimawh tak a ni a, nun pawh uluk a ṭul a, ṭawngkam chhuakah pawh kan fimkhur a ngai hle a ni a ti bawk.

Kum 2025 & 2026 atana Ṭumpui Local hruaitute:

Upa (Deacon):

1. Upa R. Biakthanga

2. Upa Lalnunmawia

3. Upa PC Lalthangdela

4. Upa R. Vanlalhmangaiha

5. Upa Lalchamliana

Tual Upa:

1. T. Upa VL Dika Pachuau

2. T. Upa C. Lalmuanawma

3. T. Upa Lalmawizuala

4. T. Upa Lalliansanga Ralte

Office Bearers:

Chairman - Upa Lalnunmawia

Secretary - T. Upa C. Lalmuanawma

Secretary hian Statistician a kawp ang

Treasurer - Upa Lalchamliana

Sawmapakhat leh Buhfaiṭham - Upa Lalchamliana

Charge inhlan hun - 05.01.2025 hmain

ZUALKO

ZUALKO

C. VANLALMUANA

(14.01.1963 - 13.12.2024)

Thih ni         : 13th December, 2024 @7:10am

Thih chhan : Thin Thalo

Vui hun         : 13th December, 2024 @1:00pm

Vuitu         : Evan. Lalrelkima Renthlei

                Kohhran Secretary

Thlanmual : Upa PC Lalthangdela

                Bialtu Upa

Hla hnuhnung : He lei hi chantuan ram a tling lo

                Kohhran Hlabu No. 464

Kan thlah mek, C. Vanlalmuana hi Dt. 14.1.1963 khan a lo piang a. A pa hi Lalzawia (L) niin a nu hi Biakkungi (L) niin unau 10 an ni. 

Kum 1988 February khan C. Lalremmawii nen inneiin fa 4; mipa 2 leh hmeichhia 2 an nei a, an fate (upat dan indawtin) chu :

1. C. Lalawmpuii W/o Zoremmawia Hlondo, |umpui

2. C. Lalruatfeli

3. C. Vanlalzamlova

4. C. Lalduhawma

Dt. 19.11.1985 khan Aizawl DF MRP-ah hna hmuin a zawm a, Aizawl Traffic-ah te a  awm thin a. West Phaileng, Kolasib, Kawnpui leh Vairengte-ah te awm kualin, 2023 khan Vairengte atangin Kolasib ah a lêt leh a, hetah hian Dt. 1.2.2024-a a pension thlengin a thawk a ni.

Kohhran lamah a phak tawka inhmangin zaipawlah te a tel thin a. Local PYD leh Missions Dept. lamah pawh hruaitu a ni tawh thin a. Bial lamah pawh Missions Dept. leh PYD-ah te hruaitu a ni tawh bawk a. Tuna a boral thleng hian Pentecostal Men Department (PMD)-ah Tumpui Local-ah hian Vice Chairman a ni mek bawk.

Kum 1989 leh 1990 khan Tumpui Branch YMA-ah Vice President hna a chelh tawh a. GSA lamah pawh Committee member ni thinin Football lamah pawh hnuhma eng engemaw a nei.

Dt. 11.12.2024 zan khan a pum na a tih avangin Nazareth Nursing Home, Tumpui-ah dahlutin Cabin-ah enkawl a ni a. Dt. 12.12.2024 zan khan buai zual deuhin a thawk lamah pawh harsatna a nei a. Damdawi In lama thawktuten theihtawpa chhan an tum laiin van kohna a lo chhang ta a ni.

Kan chhiat tawh chungchangah nasa taka min buaipuitu; damdawi in lama thawktute, Kohhran leh khawtlang mipuite, YMA-te leh min lo tawngtai puitu te zawng zawng chungah lawmthu kan sawi a. Kan tana in thatnaah a let tam takin Pathianin malsawm che u rawh se.

DAN BU TLANGZARHIN DAN ZIRHO

DAN BU TLANGZARHIN DAN ZIRHO

Dt. 07.10.2024

Local PYD chuan a lo rel tawh angin zanin khan Tualchhun PYD Dan Bu 3rd Edition a tichhuak a, tlangzarh niin hemi chhunzawm hiaa Kohhran Dan zirho a ni.

He hun hi Bro. C. Lalramchhuana, Vice President-in a kaihruai a, Sis. PC Vanlalhmangaihi'n hunserh a hmang a, Evan. Lalrelkima Renthleiin thawhlawm hlanin Upa Lalchamliana, Adviser-in Dan Bu hi a tlangzarh.

Dan Bu tlangzarhtu, Upa Lalchamliana, Adviser chuan "Dan hi kan himna tur kan kawng dik kan zawhna tur a ni," a ti a. Kum 2016-ah tualchhung dan hi neih tan niin a vawithumna tur peihfel a ni chu lawmawm a tih chu sawiin Dan Bu neihna tura hmalatute chungah lawmthu a sawi bawk. "PYD-te hian kan rawngbawlna hrang hrangah hian Dan hi kan mamawh a, thlarau ringawt hi kan damna leh himna a ni lova, min khalhngiltu tur dan hi hriaa kan zawm a ngai a ni," tiin, PYD-ten hlawk taka kan hman turin Dan Bu 3rd Edition chu a tlangzarh a ni.

T. Upa Lalliansanga Ralte, President chuan Dan Bu hi a hralh chhuak nghal a. Bu khat Rs. 50/- man niin a hmunah hian a man pangngai aia tovin mi engemawzatin an lei a. Copy 50 siam niin a chanve vel hralh chhuah nghal a ni.

Dan zirho niin Evan. Zoremmawia Hlondo hnen atangin PYD-te hriat awm deuh chi Kohhran Dan hrang hrang ngaihthlak a ni a, a bik takin nupui pasal chungchanga Kohhran inenkawlnate thlur deuh bik a ni a. Hei bakah hian Kohhran inruat dan te, License chungchang te, PYD pual deuh bikte ngaihthlak a ni bawk.

Local PYD hian 2016 khan Tualchhung inenkawlna dan hi a hmang tan a. Hetah hian Constitution leh District inenkawlna bu-a mite bakah tualchhung PYD inkhawm chungchang te, rorelna chungchang te, sum leh pai chungchang te leh chhiatni thatni chungchanga tualchhung pual bik atana an rel hrang hrangte dahin a bu-a siam a ni a, minute bu keu lêt fo ngai lo tura a bu-a siam a ni hi a finthlak hle. Tun tum hi vawi 2 an ennawnna a ni tawh a ni. Sum leh pai hlutna te a lo danglam a, mihring khawsak phungte a lo danglam bawk a, hei vang hian a tum 2-na atan ennawn lehin 3rd Edition hi siam a ni ta a ni.

Inkhawm banah thingpui tui tak inho a ni bawk.

2024 BIAL SS INKHAWMPUIAH PAKHATNA KAN NI

Dt. 6-8.09.2024 chhunga Kolasib Venglai Bial SS Inkhawmpui Vawi 58-na, Tumpui Biak Ina neih zawh taka intihsiakna hrang hrangah a pumpuiah Tumpui Local chu PAKHATNA kan ni a, hetiang hi intihsiakna hrang hrang result a ni.

CHANG, THU INCHHANG LEH QUIZ

BEGINNER

1. Venglai

2. Tumpui

3. Tuithaveng

4. Hebron PP

5. Project Veng

PRIMARY

1. Tumpui

2. Tuithaveng & Project Veng

3. Venglai

JUNIOR

1. Venglai

2. Tumpui

3. Project

4. Tuithaveng

INTERMEDIATE

1. Venglai

2. Tumpui

3. Project Veng

4. Hebron PP

5. Tuithaveng

SENIOR

1. Venglai & Tumpui

2. Tuithaveng

DOCTRINAL

1. Venglai & Tumpui

HLA

BEGINNER & PRIMARY

1. Tumpui

2. Venglai

3. Project

4. Tuithaveng

5. Hebron PP

JUNIOR & INTERMEDIATE

1. Venglai

2. Tumpui

3. Hebron

4. Tuithaveng & Project

SENIOR & DOCTRINAL

1. Tumpui

2. Venglai

3. Tuithaveng

A PUMPUI RESULT

1. Tumpui - 1213pts.

2. Venglai - 1212pts.

3. Tuithaveng - 1034.5pts.

4. Project Veng - 835pts.

5. Hebron PP - 482pts.

Department tinah hian a tel zawng zawng hnenah sumfain lawmman inpek vek a ni a. A pumpuiah pawh hian a tel zawng zawngte Dekchi lian pek vek an ni bawk a. A pumpui lawmman tur hi mi thahnemngaiten an sponsor a ni.

THLALAK

DAN BU TLANGZARH

DAN BU TLANGZARH

Dt. 25.09.2024 (Nilaini zan) inkhawmah Tumpui Local chuan Tualchhung Inenkawlna Dan Bu an tlangzarh.

Inenkawlna Dan Bu hi Upa R. Biakthanga, Local Church Board Chairman-in a tlangzarh a. Hemi rual hian Dan Bu nei tura hmalak a nih dan te leh pawimawhna te a sawi bawk.

Kum 2016 khan Tualchhung inenkawlna dan bu hi siama hman tan a ni a. Hetah hian Constitution leh District Inenkawlnaa chuang bak, tualchhungin a ngheta kalphung a lo neih hrang hrangte dahkhawm a ni a. Hun kalta lama Committee-in a lo rel tawh te, a rel thar te leh tualchhungin inkaihhruaina hrang hrang an lo ruahman tawhte  lakkhawm a ni a. Minute Bu keu let fo ngai lo turin hmunkhatah dahkhawm a ni.

Inenkawlnaah hian Biak In enkawl dante, damlo inkanna te, chhawmdawlna te, inralna leh lawmpuina hrang hrangte, bungrua/bungbel enkawl dan tur te, tualchhung inkhawm chungchang te leh thil pawimawh hrang hrang dah a ni.

2016-a hman tan chu kum a lo vei tam deuh tawha hriain Local Church Board Committee chuan ennawn turin a rel a. Lo ennawn a, a tul anga lo buiapui tur ruatchhuakin anni hian Local Church Board-ah an thlen leh a. Local Chuarch Board Committee-in a lo ennawn leh hnuah a bu-a siam niin, 2nd Edition chu  hman theih tura peihfel a lo ni ta a ni.

*ARCHIVE & MEDIA CELL : ṬUMPUI LOCAL UPC*

GROUP MEET ZO - CHERUBIM GROUP CHAMPION

 GROUP MEET ZO - CHERUBIM GROUP CHAMPION

Local PYD-ten Group Meet an hman chu Dt. 01.07.2024 (Thawhtanni) zan khan a tawp an khar a. He hunah hian result puan niin lawmman pawh sem nghal a ni.

Dt. 27.06.2024 khan FUTSAL-in Group Meet hi bul tan a ni a. Dt. 29.06.2024-ah Indoor Items hmanga chhunzawm niin intihsiakna hrang hrang thlanchhuah hmangin Group pahnihte hi an inBiak Inah hun hmangin intihsiakna hrang hrang chhunzawm a ni a. Dt. 01.07.2024 (Thawhtanni) zan khan a kharna hin Biak Inah hman niin hetah hian Lengkhawm zai, Debate leh Bible GK Quiz hmangin Group 2-te an intihsiak a, member inchhiar a ni bawk.

Intihsiakna hrang hrangah Cherubim-ten 188 point hmuin an champion a, Seraphim Group-ten 178pts. an hmu bawk a, anni hnenah hian Group Meet bik atan lawmman hlan an ni a, kum tluana inelna erawh kumtawpah result puangin lawmman sem a ni ang. Best Debator atan Bro. Lalbiakliana thlan niin Quiz chhang dik tam ber hi Bro. Lalroenga a ni a, anni hi mimal lawmman pek an nih bakah endiktu mi 3; Upa Lalnunmawia, t. Upa C. Lalmuanawma leh Evan. Zoremmawia Hlondo te hnenah thilpek an pe bawk.

Kuminah hian thil lawmawm deuh kan hmuh chu Computer hmangin Quiz changkang tak mai chhawp chhuah a ni a, a buaipuitu Evan. Lalrelkima Renthlei a fakawm tak zet a ni. Hei bakah hian hruaitute an thawkho tha tih a lang a, programme pawh a fuh a, intihsiak endik tura Church Board lam sawm an nite kha a fuh tak zet a ni.

Hun hman zawh a nih hnuah thingpui leh a hmeh tui tak eia in ho a ni.

Chetvelna

HLA THU LAM DAN ZIRHO

HLA THU LAM DAN ZIRHO

Dt. 24.06.2024 (Thawhṭanni Zan)
ṬUMPUI PYD

Ṭumpui Local PYD chuan hun engemaw chen aṭanga an lo ruahman tawh angin Dt. 24.6.2024 zan khan Hla thu lam dan an zirho.

He hun hi Bro. Lalrinchhana, Local Secretary-in kaihruaiin hunserh a hmang a. Hriatna lamah hian kan ṭhanlen zel a ngai a, hmasawn zel tur kan ni a ti.

Evan. Zoremmawia Hlondo, Resource Person chuan "Mizote kan vanneih em emna chu ziak mai nilo, a thlûk hriat theih ngei tura ṭawngkaa Mizo chanchin kan inhlan chhawng ṭhin hi a ni a. Hla pawh hi a thu awmzia hriat chuan sak tui loh pawh a har a, mi a hneh hma bik" tiin, Biak In leh khawhar/lusunnaa kan sak lar zual hla 24 a sawi zau a. A ṭhen chu a phuahtu chanchintawi leh an phuah dante a tarlan bakah, a hlaa thu lam dik har bîkte, a nawlpuiin kan lam sual leh kan sak sualte a lam dan leh sak dan tur a sawifiah a, a hlathu awmze tawi a sawifiah bakah, kan Kohhran Hlabu-a a hawrawp chhut dik loh/kimlo lai a tarlang bawk.  

Hei bakah hian sawizauna leh sawihona hun hman a ni a, resource person-in hla a rawn inbuatsaih baka hla thu har deuhte sawiho a ni.

He hunah hian Sis. C. Lalhminghlui leh Bro. Lalroenga te inkawpin fakhla an sa a. Resource Person hi Local PYD ten thuziak mawi tak mai an hlan bawk. 

Inkhawm banah thingpui tui tak inho a ni.