HSLC LEH HSSLC PASS THAR LAWMPUINA & CAREER GUIDANCE
Dt. 10.06.2024
Ṭumpui Local PYD chuan kumin an member HSLC leh HSSLC pass tharte pualin zanin khan hun an hmang a, hei bakah hian Career Guidance Awareness an nei bawk a, T. Upa Lalṭanpuia Rengsi, Principal, Govt. Kolasib College chu Resource Person atan hman a ni.
T. Upa Lalliansanga Ralte, President-in inkhawm a kaihruai a. Bro. Lalrinchhana, Secretary-in hruaitute a inhmelhriat tir a. Bro. Freddie Lalrinkima, Secretary, Local Education Sub-Committee-in ṭanna hun hmangin Phil 3:16 chhiarin finna leh thiamna hi Pathian tel lo chuan engmah a nih loh thu a sawi.
Bro. C. Lalramchhuana, Vice Pesident-in thutawi a sawi a. Kumina PYD MEmber HSLC leh HSSLC Exam zawng zawng an pass vek chu lawmawm a tih thu a sawi a. Zirnna hlawhtling tharte a lawmpui thu sawiin nundan mawi taka nung a, midangte laka PYD mawi taka lantirtu ni turin a chah a ni.
Resource Person, T. Upa Prof. Laltanpuia Rengsi, Principal, Govt. Kolasib College chuan Thuhriltu 11:9-10 chhiarin thu ṭha tak, van kâwk kan ngaithla nasa a, a zawm lamah hian Mizo ringtute hi kan hniam ṭhin a, chulai takah chuan kan ṭan a ngai a. Engpawh ti ila, nun nuam hlim tak hi Pathian tel ngei hian a hman theih a. Zirna pawh hi Pathian nen kan kalpui a ngai a ni tiin Pathian nen lehkha zir ang u tiin ṭhalaite a sawm a.
Exam reng rengah a hriat theih chin aṭangin ṭawngṭai lova a hmachhawn ngai loh thu sawiin zirnaah hian rilru na zawka kan pek hi a ṭul a ni a ti.
Hnathawh tur zawn kawngah pawh kan thawh tumah chian a, chumi thleng tura beih ngar ngar tur a ni a. Pathian hriatpuinaa lehkha zir hlut em emna chu a harsa anga a lan pawh hian a tluang purh ṭhin a ti bawk.
Zirlai kan nih chuan nitin kan hun hman dan tur ka ruahmanah hian LEHKHAZIR hi telh ngei ngei tur a ni a. Exam na tura thiam tum kher chuang lo pawhin, chhuna kan zir kha vawikhat tal thlirlêt tur a ni. Tin, syllabus nei chin kan nih chuan kan Syllabus hi hriat ngei ngei tur a ni a, zirlai kan nih chuan kan zirlai pui kawm ngei ngei hi a ṭha a a ti.
Lehkha zir hi hna hmuhna ngawr ngawr a ni lova, inrintawkna leh ningkhawng hriatna a ni tih hriat reng tur a ni tiin Ṭhalaite a fuih a ni.
Pawl 10 te, 12 te, Graduate te hi tun aṭanga hun rei taka hman ṭangkai turah ngaih loh tur a ni a, hna hi hemi kan zir lai aṭanga hnaitê a lo ni ṭhin tih hriat a ngai a, kan thawh châk leh thawh tum hriat chian a chumi thleng tura beih hi a pawimawh ber chu a ni a. MPSC leh UPSC kan tihte, Medical Line te leh Line dang dangte pawh hi Pawl 12/BA pass hlawt hian a tlin daih theih a, chuvang chuan kan banphâk maiah hian kan hna thawh tur hi a awm tih hriat reng a ngai a. Vawikhat hlawhchham hian min tihbeidawn mai chuan kan hmakhua a thim hle dawn a, beidawn loh hi hlawhtlinna a ni tiin, RAU piah lamah khawvel lam thilah pawh rualelna rilru pu reng ang u tiin inkhawmte a fuih a ni.
HSLC Pass mi 6 leh HSSLC Pass thar mi 4 te lawmpuina thuziak hlan an ni a, Resource person pawh lawmthusawina thuziak hlan a ni bawk a. Inkhawm banah ei leh in tui tak buatsaih a ni.
HSLC Pass tharte
1. Sis. Lalpekhlui D/o Malsawmkima - 2nd Div.
2. Sis. Lalpekhlui Tochhawng D/o Lalsangpuii - 2nd Div.
3. Sis. Lalhmingmawii(Mawi Mawii) D/o Vanlalpeki - 2nd Div.
4. Sis. R. Lalremruati D/o T. Upa Lalliansanga Ralte- 2nd Division
5. Bro. Henry Vanlalrinawma S/o Bro. John Lalchungnunga - 2nd Division
6. Bro. R Lalrindika S/o Bro. R. lalruatkima (L) - 3rd Division
HSSLC pass tharte
1) Bro. David Lalmalsawma S/o Sis.Thanthuami 2nd Division
2) Sis. Lalrinsangi D/o Sis. Lalrinnungi - 3rd Division
3) Sis. Lalhruaihlui D/o Upa Lalchamliana - 1st Division
4) Sis. Lalnunhlui Hlondo D/o H. Rolawmsanga - 3rd Division
