North East India UPC Missionary Day vawi 72-na chu Thawhtanni khan awmni khamin hman a ni.
Missionary Day hi chhun leh zanah Biak Inah hman a ni a. Chhun Inkhawm hi 10:00am ah tan niin Upa Lianthuama, Local Churchboard Chairman-in Inkhawm a kaihruai a, Pathian hruaina avanga Missionary Day kan hmang leh thei chu lawmawm a tih thu te sawiin thahnem nhai lehzual zawka Kohhran te tan la turin a sawm a ni.
T. Upa VL Dika Pachuau, Local Churchboard Secretary-in Rev. Lalmalsawma Sailo, Gen. Supt. in Missionary Day thuchah a tih chhuah chu a chhiar chhuak a, thuchah a lan danin hetiang hi NEI UPC dinhmun thar ber a ni :
Members 102111
Bap chang thar 3417
TT Bap chang thar 2721
Kohhran 774
P. Point 155
Missionaries 99
Member thar 2665
Missions Field 8
Hemi hnu hian Evan. Lalrelkima Renthlei hnen atangin thuchah ngaihthlak a ni a. Mat. 16:18 leh MArka 16:15 chhiarin khawvel pum huapa UPC a lo din dan te, din tura hma lak tan a nih dan te leh Thlarau thianghlim harhna lo thleng chungchang ngaihnawm tak ngaihthlak a ni a, hei bakah hian Nauhlan rawngbawlna a nei nghal bawk. Chawhma inkhawm ban hian Sawhchiar leh thingpui tui tak PYD te buatsaih chu tlai taka eia inho a ni.
Zan Inkhawm hi Upa Lianthuama, Local Churchboard Chairman-in kaihruaiin Evan. Zoremawia Hlondo hnen atangin Pathian thuchah ngaihthlak a ni. Inkhawm kan tha a, Kohhran rorel kan ngaipawimawh a a lawmawm hle a ni.
Missionary Day hman tur chungchang hi 1975 ah rel niin 1976 atang khan hman tan a ni a, kumin hi a vawi 72-na a ni.
No comments:
Post a Comment