2019 BEIHRUAL INKHAWM KHAR

Dt. 30.9.2019 :

Kum 2019 Beihrual zir leh inkhawm chu zanin khan khar a ni ta.

Inkhawm report tlangpui :

Chairman : T. Upa C. Lalmuanawma

Bible - 2 Korinth 6:2

Tan hla : Kan Pathian hmangaihna thukzia

Tawngtai rual

Thupui hawngtu/Beihrual khartu : Evan. Lalrelkima Renthlei

Thupui : 30-na Thinlung (Rilru puthmang dik)

Bible - 1 Samuel 7:12

Inkhawm : Mipa 23, Hemichhia 30, Total - 52

Thawhlawm : Rs. 471.00

Ban hla : Aw Lalpa tithianghlim ang che.

Kumin Beihrual chhunga kan thawhlawm tlingkhawm (Zanin telin) Rs. 4536.00, Hmanral- Rs. 2260.00, Balance - Rs. 2276.00.

Inkhawm ban hian Thingpui leh sawhchiar tui tak kan inin kan ei ho a ni.

** Thupui zir zawh hian Thupui Buin sawiho tur a tih leh kan hlawkna hrang hrangte kan sawi ho a ni.

KHUANG LEI THAR

Dt. 28.9.2019 :

Kohhran Committee thuchhuak angin Khuang hlui simathat tum chu a remchan zawk avangin Aizawlah Khuang thar (A lian leh a te) lei a ni a, hemi buaipui tur hian Upa R. Lalnunmawia, T. Upa Lalchamliana leh Evan. Zoremmawia Hlondo te an kal a, Khuang set hi Rs. 7800/- in an lei a ni.

Khuang lian hi 15inches-a lian a ni a, Khuangte hi 10inch. a lian a ni thung a, zanah thlenpui niin Biak Inah Churchboard Committee awm ang angten an hlan nghal a ni. Hemi buaipuina atan hian T. Upa Lalchamliana'n a motor a thawh a, Kohhran hote kan lawm hle.

LU SUN

Dt. 9.9.2019 khan Sis. Laithangpuii, Kum 70 chu thawhah avangin a boral a. A tuk, Dt. 10.9.2019 chhun dar 12 ah Rev. B.Vanlalruata, Bialtu Pastor-in a vui a ni.

A kalsan tak a chhungte Lalpa'n thlamuanin amwpui rawh se.

 

Bial SS Inkhawmpui vawi 53-naah 1-na :

Bial SS Inkhawmpui vawi 53-naah 1-na :

Kumin (2019) September ni 6-8 chhunga Venglai Biak Ina Bial SS Inkhawmpui vawi 53-na kan hman zawh takah 579.5 points hmuin 1-na kan ni e.

Kumin Inkhawmpuiah hian Department kan tel kim thei a, Item zawng zawng kan tihlawhtling bawk.

Inkhawmpui report-a a lan danin Naupang leh Puitling hming ziak zawng zawng hi 1241 kan ni a,

Mipa - 584 Hmeichhia - 657 kan ni.

Fin. Report :

Lakluh zawng zawng - Rs. 119721.00

Hmanral zawng zawng - Rs. 56874.00

Kuta la awm - Rs. 62847.00

Rorel tlangpui te :

1. Kum 2020 Bial Sunday School Conference chu Date 11th -13th September 2020 chhungin Venglai Biak Inah hman a ni ang. Conference thlengtu puihna hi Rs. 6000/- a ni tawh ang a, lawmman hi a pumpuiah chauh inpek a ni tawh ang. 2020 Conference ah hian Solo intihsiakna hi neih tawh loh tur a ni ang a. Member inchhiar, Quiz, Chang, Thuinchhang leh hla (kal dan ngai) hmanga intihsiak tur a ni dawn a ni.

3. 2020 chhungin Intermediate - Doctrinal Department Bial meet cum Revival neih tura ruahman niin HIV/AIDS awareness neih a ni bawk ang.

4. 2020 ah hian Sunday School hruaitute leh zirtitute pualin bial huap a Seminar neih tura rel a ni.

DEPARTMENT WISE RESULT KHAIKHAWMNA
Department	Local		Department	Local
Beginner (Chang, Thuinchhang, Quiz)	Tumpui		Beginner -  Junior Hla	Venglai
	Tuithaveng			Tumpui
	Venglai			Project
	Pangbalkawn			Tuithaveng
	Project			Rengtekawn
	Rengtekawn			Pangbalkawn
	Saihapui K			Saihapui K
	Bukvannei			Bukvannei
Department	Local		Department	Local
Primary (Chang, Thuinchhang, Quiz)	Tumpui		Intermediate - Doctrinal  Hla	Venglai
	Venglai			Tumpui
	Rengtekawn			Tuithaveng
	Project			Rengtekawn
	Tuithaveng			Pangbalkawn
	Pangbalkawn			Project
	Saihapui K			Saihapui K
	Bukvannei			Bukvannei
Department	Local		Department	Local
Junior (Chang, Thuinchhang, Quiz)	Tumpui		Beginner -  Junior (Solo)	Project
	Venglai			Venglai
	Project			Tumpui
	Tuithaveng			Tuithaveng
	Rengtekawn			Rengtekawn
	Pangbalkawn			Pangbalkawn
	Saihapui K			Saihapui K
	Bukvannei			Bukvannei
Department	Local		Department	Local
Intermediate (Chang, Thuinchhang, Quiz)	Venglai		Intermediate - Doctrinal (Solo)	Tumpui
	Tumpui			Pangbalkawn
	Tuithaveng			Tuithaveng
	Project			Venglai
	Rengtekawn			Project
	Saihapui K			Rengtekawn
	Pangbalkawn			Saihapui K
	Bukvannei			Bukvannei
Department	Local		Department	Local
Senior (Chang, Thuinchhang, Quiz)	Tumpui		Puitling (Quiz, Lengkhawm zai)	Tuithaveng
	Pangbalkawn			Venglai
	Venglai			Project
	Rengtekawn			Tumpui
	Project			Pangbalkawn
	Tuithaveng			Rengtekawn
	Saihapui K			Saihapui K
	Bukvannei			Bukvannei
Department	Local		Department	Local
Doctrinal (Quiz)	Tumpui		MEMBER INCHHIAR	Tuithaveng
	Venglai			Project
	Tuithaveng			Tumpui
	Project			Venglai
	Rengtekawn			Rengtekawn
	Pangbalkawn			Pangbalkawn
	Saihapui K			Bukvannei
	Bukvannei			Saihpui K
A PUMPUI
Rank	Local
1	Tumpui
2	Venglai
3	Tuithaveng
4	Project
5	Rengtekawn
6	Pangbalkawn
7	Saihapui K
8	Bukvannei

PROJECT LOCAL TLAWH

Rammut Thla denchhenin leh Bial COnference rorel bawhzuina atan Dt. 10-11.8.2019 hmang khan Kohhranpui ruahman angin Project Local tlawh a ni a, inkhawm apiangin member engemawzat an kal thin a, a hlawhtling hle. Mimal motor thawh an awm nual bawk a, hei bakah hian Kohhranin motor a hmang a ni. He hunah hian Local zaithiamte pawh an zai bawk.

Hun hmangtute :

Inrinni Zan :
T. Upa C. Lalmawizuala
Evan. Lalrelkima Renthlei

Pathianni chhun :
T. Upa Lalchamliana
Upa PC Lalthangdela

Pathiann Zan :
T. Upa C. Lalmuanawma
Upa R. Biakthanga

GENERAL LICENCE LA THAR LEH

Evan. Zoremmawia Hlondo S/o Sr. Upa H. Vanrama (L) chuan kumin (2019) District Inkhawmpui, March thlaa neihah khan General Licence dilin Dsitrict in a recommend angin General ah thlen a ni a, General-in pawmpuiin General Licence hlan a ni.

Hlanna Inkhawm hi Dt. 7.7.2019 zan khan neih niin Bialtu Pastor, Rev. B. Vanlalruata'n hun a hmang a, fuihna thu thu tha tak tak sawiin Fellowship Card leh Certificate a hlan a ni.

BEIHRUAL THUPUI BU THLIRLAWKNA

2019 BEIHRUAL THUPUI BU A CHHUAK TA :

Kumin, 2019 atana Beihrual Thupui Bu "Thuthlung fate puitlinna" tih chu hralh chhuah a ni ta a, Kohhran hote tana ṭangkai tur tam tak a inziak a ni.

Kan hriat tawh angin kumin Beihrual Thupui Bu hi Rev. Ellic Hnehzova Fanai ziah a ni a, a thu a ṭha a, thupui 20 dah niin a bu ziaktu hian Thuhmahruaiah ziah dan thiam har a tih thu a tarlan hi a tawmpuiawm viauin ka hria, ziah har tak tur a ni ang.

Gen. Secretary, UPC NEI Literature & Publication Board Chairman-in chhuahtu thuhma a ziak ve bawk.

Thuthlung awmzia leh Thuthlung fate nih dan a bul ṭan a ni a, hemi hnu hian Thuthlung fate puitlinna tur hrang hrang a tawp thlengin kan zir dawn a ni.


DUH KHAWP LOH DEUH HRETNA TE :

## Thla khat zir tur a ni a, thupui a tam chuang lova, hei ai hian a hawrawp hi tihraw/tilian deuh se upa lam deuh tan pawh chhiar a nuam zawk ngei ang.

## A chhutna hmun leh copy siam zat tarlan a ni lova, a lehkhabu kalhmang lo deuh em aw a tih theih a, thupui zir erawh a tibuai pha miah lo thung.

## Tlemin a bu chhungah phek ṭhenkhat fiahfai zân lo deuh a awm a, in chanah chuan a awm ve kher lo maithei e.

## Zawnawlna/a chhung thu awmte tarlanna (Contents) dah tel se a ti lang changtlungin a tilang changkang ngeiin ka ring.


FAKNA LAM :

## A kawm a mawi a, lei tichakawm zualtu a ni.

## Thupui leh sawiho tur a inmil ṭha a, ṭhenkhat chuan heti deuh hi nise tih an nei maithei a, a thupui nen ngaihtuahin a kâwk fuh viauin ka hria.

## Ṭawngkam uchuak a awm lem lo a, chhiar pawh a hahdam viau.

## A bu leh a man hi a in àwm viau.


Ti tàwp tawh ang :
A ziaktu hi kum 32 lai full time a thawk a retired a ni a, a tawnhriat tam tak a ziak tel ngeiin a rinawm a, a hlâwk thlak dawn riau mai. A ziaktu ziah ang leh Publication Chairman ziah ang hian hlâwkna leh hmasawnna neih tumin zir ila, UPC NEI hian hma kan sawn a ni mai.

Evan. Zorema Hlondo