KOHHRANIN RAL :

 KOHHRANIN RAL :

Dt. 27.8.2020 (Ningani)-a chatuan ram min pansan, Bro. C. Vanlalhriata chu tukin (Dt. 30.8.3020_Chawlhni Zing) khan Kohhranin a ral.

Ralna inkhawm hi zing dar 7 ah ṭan a ni a, Bialtu Evan. Lalrelkima Renthlei in kaihruaiin Sis. Lallawmi (Unaupa Hriata Nu)-in chhungkaw aiawhin thu a sawi a, Upa R. Biakthanga, Local Treasurer in ralna thilpek a hlan a, Pentecostal Men Fellowship lam pawhin an member a nih angin ralna thilpek an hlan bawk.

Evan. Lalrelkima'n thuchah sawiin "khawvelah hian mi zawng zawng angkhata min hruat rualtu chu thihna hi a ni" tiin hetihlai hian Hebrai ziaka kan hmuh angin mihring tan vawikhat thih ruat a nih thu kan hre thei a. 1 Korinth bung 15 a kan hmuh angin kan nundan a inang lo angin tisa hrang hrang pawh hi a inang lova. Chuvangin 1 Kor. 15:50-a kan hmuh angin Vanrama kan awm/kal theihna tur chuan kan lei taksa hi Vana awm thei/tlak tura tihdanglam a ngaih thu kan hmu a, chu tihdanglama kan awmna tam ber leh lian ber chu thihna hi a ni a. Mitthi ngaihna hmang hian Setana hian min bei ve fo ṭhin tih kan hriat a ngai a, chu chuan Pathian lam kan hawina a dal fo ṭhin. Ringtute kan innghahna ber chu engtik niah emaw kan tho leh dawn a, chumi kan nghah chhung chu Bible ṭawngkamin "Muhil" tia koh leh sawi a ni tiin a sawi.

Bialtu Pastor, Rev. B. Vanlruata'n thutawi sawiin khawvelah hian natna leh harsatna hi fel vanga pumpelh ngawt tur emaw, sual vanga tawrh bik pawh a ni chuang lo a, Pathian thlarau kan chan hi khawvel harsatna paltlang tura min tichaktu tur a ni tih kan hriat a ngai a ni a ti.

He ralna inkhawmah hian member kal kan ṭha a, Sorkar thuchhuak angin zaiho a ni lo thung. Bialtu Pastor in min rawn tawiawm a, huntawpah a tawngtai a ni.

ZUALKO

 ZUALKO

Hming : Bro. C. Vanlalhriata

Kum : 52

Thihchhan : Cancer

Pa hming : Sr. Upa Rualchhina

Thihni : Dt. 27.08.2020 3:45AM

Vui hun : Dt. 27.08.2020 1:00PM

Bui tu : Rev. B. Vanlalruata, Bialtu Pastor

Bro. Hriata hi mi tlawmngai leh a theihna zawna tlanchhe ngailo a ni a, a bula awm nuam em em mai leh kawm nuam tak a ni. Hun engemaw chen atang khan Cancer in a tlak buak a, Aizawl lamah te inenkawlin Kolasib Damdawi Inah te pawh enkawl a ni a, Kohhran hoten theihtawpin kan tawngtai pui nachungin a hun tawp a lo thleng ta. Vawiin, Dt. 27.08.2020 hi amah kan thlah ni tur  alo ni ta a, a uiawm hle mai.

Hetih rual hian tum dang anglo taka Covid19 vanga khuahkhirhna hnuaia inthlah a ngai leh zel hi a runthlak a, VC thlanni a lo ni bawk nen. Nun phung mumala kan awm laia inthlah hi a phu a ni.

BEIHRUAL TOBUL (MIZORAM)

Beihrual Țobul

A compilation

Kum 1918 March 15-18 khan Presbytery khawmpui Aijal-a neih chuan hetiang hian a rel a :

1. Kristian beihrualna hi June 1918 ah neih nise.

2. Thla chawhma lam chu mahni kohhran intihchak nan hman ni se.

3. Thla chawhnu lam ring lote tan hmana ring lote hruai khawm hram turin.

4. Kohhran tinin an thawhzia dan tur an ngaihtuah ang.

2. Beihrual Thla

1918 : June-ah.

1919 & 1920 : September-ah.

1921 : January-ah.

1922-24 : April-ah.

1925 atangin September-ah.

UPC leh Beihrual

Beihrual thupui zir ve tura kan relna hmasa ber chu 1963 North Mizoram District Board rorel no. 10-naah a chuang. Kan hman țan kum tak hi 1965 a ni. A bu neih hma hian thupui thlan lehkha phek a siam kan hmang thin A, Beihrual Thupui a bua kan tih chhuah hmasak ber chu 1981 hi a awm e. 1982 Beihrual thupui bu kha a bua kan tih chhuah vawi 2-na niin a lang. A ziaktute chu - Rev. R. Hrangvunga, Rev. H. Vantluanga, Rev. H. Sangkhuma, Rev. Lalbiakkunga, Rev. C. Challianngenga, Evan. R.Lalrinsânga ten thupui hrang hrang an ziak a ni.

General atanga bu khat kan ințawm hi kum 2005 atangin a ni A, Hei hi kum 2004 Gen. Conf rorel no. 1-nain NE India pum puiah Beihrual thupui pakhat zir ho ni se tih a rel bawhzuina a ni.

- Rev. Lalmalsawma Sailo, Gen. Supt., UPC (NEI)