UPA LIANTHUAMA KAN THEN TA...

Tumpui Local Church Board Chairman ni mek, Upa LIANTHUAMA (Kum 71) chu Dt. 21.1.2021 8:30am khan kan chan ta.

VUINA PROGRAMME

Vui Hun                          : Dt.22.Jan.2021 Dar 12 : 00 am

Vuitu                              : Rev B.Vanlalruata, Bialtu Pastor

Thusawi                         : Chhungkaw aiawh

Kohhran aiawh thusawi : Upa R. Lalnunmawia

Thlanmual hun hmangtu : Upa PC Lalthangdela

Upa Lianthuama hi Laikhuma(L) leh Kapchhungi te fa u ber niin Kum 1950 Jan ni 19 khan Tumpui Veng ah alo piang a, Naupang fel leh thuawih nu leh pa hlau thiam tak a ni. 

A pianpui unau te :-

1.Nghakliana (L)

2.Lianmawii, Buhchangphai

3.Lianzuala, |umpui

4.Lalnunzira H/o Lalsangi, |umpui

5.Lalnunthiangi W/o Biakchhunga

6.Lalnunpari (L)

Eizawnna :

Kum 1969 ah BRTF ah lut in,a eizawnna avang hian,  India ram hmun hrang hrang bak ah Foreign ram Bhutan, Italy, Nepal, Andaman & Nocobar etc ah te pawh kal in Kum 1990 khan a hna atanga Pension in Tumpui veng ah a rawn let leh ta a ni.

Chhungkua:

Kum 1974 January Ni 19 ah Zohmingi D/o Sangliana, Tumpui nen  inneiin Fanau rochan duhawm tak tak 5 an nei a, tu 12 leh tuchhuan 1 a nei bawk a ni. 

A fa te :-

1.Lalzarzovi W/o Lalmuanawma Chenkual

2.Lalremruati W/o Lalthapuia

3.Lalthangpuii (L)

4.Laldinpuia H/o Vanrammawii

5.Lalruatfeli

Kohhran leh khawtlanga  Rawngbawlna : 

A eizawnna BRTF a chawlhsan atang hian Kohhran lam ah a theih tawk a in hmang in chanvo leh nihna hrang hrang pawh chelh in, PYD ah Local ah President leh Vice President nihna hi Kum 12 chhung a chelh a, PYD Adviser ah te pawh a lo tang tawh a. Sunday School ah kum 15 chhung mawhphurhna chelhin Bial Sunday School ah Treasurer nihna a  chelh tawh bawk.

1995 ah Tual Upa ah thlan a ni a. Kohhran Upa ah 2001 ah hlankai a ni a. Kohhran Committee ah hian Chairman mawhphurhna bakah Treasurer mawhphurhna te a chelh tawh a. Building Treasurer leh Sawmapakhat kawltu ah te pawh a tang tawh bawk a. A boral lai hian Kohhran Chairman a ni mek a ni.

Upa Lianthuama hi Kohhran hmangaihtu tak a ni a. Kohhran ah a mawhphurhna hrang hrang hlen tum tlat mi a ni a. A dam phawt chuan hnatlang leh inkhawm thulh ngai lo a ni a. A dam loh hnuah pawh a theih chhung chuan Kohhran thil tihna ah a tel hram hram thin a ni.

MUP Tumpui Unit ah hian hunrei tak chhung Hruaitu chanvo a chelh tawh bawk a ni.

A nat dan:

Kum 2018 June ni 15 khan a ram kal a mit rawn thi haw in, A reh mai theih loh avangin a tuk ni 16 ah Damdawiin ah in entir in,Doctor ten Damdawi te lo chawh in, a ziaawm mai dawn emaw kan tih laiin, a mit te a rawn bawk chhuak a, Doctor ten zai a dam mai thei anih ringin an zai sak a, a dam \ha viau a kan ngaih laiin , a aia lian zawk in a rawn pawng ta vak mai a, Doctor te thurawn ang in Aizawl lam ah in entir in, ziaawm lam a pan thei chuang lova, chumi hnu ah Ni 8 Aug 2019 ah  a damna beisei in Guwahati ah kalpui niin, Doctor ten Test ngai an tih zawng zawng te test niin, Mit Cancer anih thu min hrilh a, chumi hnu ah Mizoram lam a inenkawl tura rawn chhoh pui niin, Zemabawk ah thla 10 chhung chemotheraphy (a ei chi) te lak a ni. Heti chung  pawh a ziaawm lam a pan theih si loh avang in, in lam ah a theih ang ang a enkawl chhunzawm a ni. Kum 2021 January thla laihawl vel atang khan hniam lam a pan hret hret a Ni 21.Jan 2021 Zan dar 8:30 khan rawng a bawlsak thin Lalpa hnenah a chawl ta a ni.