ZUALKO

ZUALKO

Hming - Bro. Lalringliana
Pa hming - Bro. C. Sangliana
Thihni - Dt. 2.1.2023 @ 11:00PM
Natna - Thawhah
Vui Ni - Dt. 3.1.2023 @ 12:00Noon
Vuitu - Rev. R. Lalnithanga, Bialtu Pastor
Thlanmuala hun hmangtu - Upa R. VL Hmangaiha, Bialtu Upa

Unaupa Lalringliana hi Kohhran chhinchhiahna lama a lan dan chuan Dt. 10.3.1965-ah a lo piang a, Dt. 20.2.1987 khan Pastor R. Sangthanga kutah Baptisma a chang.

Nupui neiin fa 3 (Hmeichhia 1 leh mipa 2) a nei a, a nupui nen hian inṭhenin a fate pawh a nupuite hian an chang a. Tunah hian a fanu phei chuan fa 3 a nei tawh a, a fapa pakhat a boral tawh bawk. (A fapa boral tawh hi Unaupa Lalramsanga a ni)

Amah hi mi taima tak, a chhungte tan pawha innghahna leh an rin em em a ni.

A tlangval lai khan a theih tawpin Ṭhalai lamah a inhmang ve nasa ṭhin a, kea inkhawmpui kal a ngaih hun lai te pawh khan a kal ve nasa ṭhin hle.

Lehkhabu chhiar a peih em em a, a lehkhabu lei reng reng pawh Pathian thu lam hlir a lei a, a ṭhen phei chu a lei zan la laa a chhiar zawh takte pawh a awm.

Krismas hma deuh atang khan a na ve zeuh zeuh a, khum bet pawh ni lem lova khawsik te pawh a nei zeuh zeuh a. Pu Ralaia rawnin a thin a ṭhat loh thu a lo hrilh a, damdawi te pawh inchawhin a ei ve a.

Krismas ah te pawh a fatu peih a, kumhlui thlah zanah pawh a la fatu peih. 

Kumthar ni khan a pumna avangin Damdawi Inah kalpui a ni a, nachhawkna te a lo chiu-in in lamah haw tir leh a ni a. Kumthar ruai ṭheh ni khan ruai ṭheh zawh lamah a thaw a rawn hah a, damdawiin ah kalpui niin hemi zan; Dt. 2.1.2023 zan dar 11 velah khawvel a lo chhuah san ta a ni.

Kohhran te bakah Kohhran hruaitute pawhin ṭawngṭai sakin hriakhnawih rawngbawlna te an neih sak naah a chhungte an lawm hle a. Anmahnia buaipuitu YMA leh khawtlang hruaitute leh khawtlang mipuite hnenah a chhungten lawmthu an sawi.