Dt. 11.9.2020 (Zirtawpni Zan) 7:00pm khan Local PYD te chuan Biak Inah an member Pawl 10 leh Pawl 12 pass tharte hnenah lawmpuina hlanin hun hlimawm tak an hmang.
He inkhawm hi Unaupa Lalrinchhana, Vice President-in a kaihruai a, harsatna leh buaina kara hetiang hun kan hmang thei hi lawmawm a tih thu sawiin kallhawmte chungah lawmthu a sawi.
Unaupa Lalbiakliana, Local Committee member-in Hunserh a hmang a, Joba 28:28 thu chiarin Lalpa ṭih hi, hei ngei hi finna a ni tiin a ṭawngtai.
Unaunu C. Lalruatfeli, Local PYD Treasurer-in lawmpuina thilpek pek a kaihruai a, Citation thu inziak chhiarchhuakin Pawl 10 pass thar mi 5 hnenah Unaunu Zoramthari, Bial PYD Fin. Secretary-in lawmpuina thuziak a hlan a, Pawl 12 pass thar mi 3(Arts 2, Science 1) te hnenah T. Upa C. Lalmawizuala, Local PYD President-in lawmpuina thuziak a hlan bawk.
Citation design tu Evan. Zoremmawia Hlondo, Local PYD Committee member hnenah lawmthu sawina thilpek hlan a ni bawk.
Hemi hnu hian Local PYD President-in hun a hmang a, Sam 37:1-5 thu chhiarin fello taka tite chu awt lo tur leh Pathian ring a, amah innghatte tan chuan Pathianin thil engkim a tih sak thin tih sawiin, kan Citation dawn leh kan hlawhtlinnaah hian duhtawk mai lovin, hei hian hmalam hunah eizawnna kawnga hlawhtlinnaah min hruai se tiin lawmpuina dawngte a fuih a, Lalbiaknain hun tihtawp a ni.
Hun hman zawh hian President, T. Upa C. Lalmawizuala te inah Thingpui leh a hmeh ina eiho a ni bawk.
## Covid19 avanga harsatna rampumin a tawh lai a nih avangin Commitee member chin he hunah hian tel tura ruahman a ni a, zirlai pass tharte nu leh pate pawh sawm an ni ta lova, zai lovin Programme duansa angin hun reilote hman a ni a, darkar chanve chhungin hun hman zawh a ni.
No comments:
Post a Comment