Sis. Thanchhungi chanchin tlangpui

Sis. Thanchhungi hi a pa chu Sapbela (L) niin a nu hi Darchhingpuii (L) a ni a, kum 1941 khan Tachhip-ah a lo piang a ni.

An unau hi 5 niin amah hi upa ber a ni a, a unau dangte :
1. Laldingliani (L), Bawngkawn
2. Rozuala (L), Bawngkawn
3. Zamunga (L), Bawngkawn
4. Zatluangi, Mamit 

Kum 1968 khan Late K. Vanlalsawma  (a ni hi Upa hlun niin Dt. 30.7.2015 khan a boral tawh a, a boral lai hian Sr.Upa a ni) nen an innei a, fa 4 neiin an upat dan indawtin hengte hi an ni :

1. K. Lalthanpari
2. K. Remsangpuii W/o Lalmuanpuia (L)
3. K. Lallawmsanga H/o Vanhmingmawii
4. K. Lallawmkima (L) (Dt. 30.5.2013-ah a boral)

A nat dan tlangpui :

Kum 10 hmalam tawhah khan Zunthlum a nei tih hmuhchhuah a ni a. Vawi engemawzat Damdawi In lamah inenkawl a ni nghe nghe a. 4.11.2020 khan Nazareth Hospital ah enkawl a ni a, dam thaa ngaiin Dt. 19.11.2020 khan an chhuak leh a. Dt. 23.3.2021-ah District Hospital, Kolasib-ah dah luh leh a ni a, rei tak awmin Dt. 16.4.2021 khan an chhuak a, hemi hnu hian In lamah an inenkawl leh a. Hemi atanga karkhat hnu vel; Dt. 23.4.2021 District Hospital, Kolasib-ah dah luh leh niin hun engemaw chen Damdawi Ina enkawl a nih hnuin Dt. 7.5.2021 khan in lama inenkawl chhunzawm turin an chhuak a, hei hi Damdawi In a awm hnuhnun ber niin tun hi kan lo thleng ta a, Dt. 18.5.2021 00:30am velah Lalpa hnenah a lo chawl ta a ni.

Hemi ni vek, Dt. 18.5.2021 chawhma dar 11-ah vui niin Rev. B. Vanlalruata, Bialtu Pastor-in a vui a. Covid-19 avanga khuahkhirhna angin hun hman niin thlanmual lamah hian Upa R. Biakthanga, Lcoal Church Board Chairman-in hun a hmang ve thung a ni. Zai theih a nih loh avangin a thlahna hlaah hian "Van Angel Zai" tih hla, Gen. Choir sak chu play a ni a, hun harsa kan tawnlai ni lo sela chu ropui leh nasa leh zuala thlahliam a phu ngawih ngawih a ni.

Kohhran lam :

Sis. Thanchhungi Local LAD Committee member a ni thin a, a chak loh lai, a chet chhuah thei ṭâwk ṭâwk lai pawha inkhawm ṭhin, Biak Ina hnatlang neih chang pawhin thawk hlei theilo chung pawha ṭawiawm hram hram ṭhin mi a ni. Rawngbawltute a ngaiin a lawm em em thin a, an tawngtai sakte hi a ngaihlu em em thin a ni.

Kohhran tan channa nasa tak a ni a, a hmun ruak hi a zau dawn hle mai. A kalsan tak a chhungkuate leh Kohhran hote Lalpa'n thlamuanin awmpui rawh se.

"Min ngai lovin an leng ram thianghlimah"