Dt. 25.9.2015 khan Tumpui Biak In luahlai (2017) chu Bialtu Pastor C. Laltlanchhuaha'n a hawng.
He ni hi NEI huapa Missionary Day ni mahse Biak In hawnni atan hman a ni a, Bial chhung Local thenkhatten Biak In kharin min tawiawm a ni.
Biak In hulhliapah a hawnna hunserh tawi hman niin hawnna thuziak (Granite) chu Pastor hian a hawng a, Evan. Vanlalhruaia Pachuau tawngtaiin hemi hnu hian Biak In kawngkhar hawngin fakhla sa chungin Biak In chhungah luh a nih hnuah Inkhawm chhunzawm a ni.
Upa Zoremmawia Hlondo in Inkhawm a kaihruai a, Bro. R. VL Hmangaiha, Local Secretary-in Biak sak chungchanga hmalak dan hrang hrang report a pe a, Bro. R. Lalnunmawia'n sum leh pai report a pe bawk. Local LAD Zaipawl ten thiam takin Biak In hawnna hla an sa a, Boal Zaipawl te pawh an zai. Bialtu Pastor-in fuihna thuchah a sawi.
Inkhawm banah hian Sawhchiar leh Thingpui buatsaih a ni.
No comments:
Post a Comment