KUMPUAN SUB-COMMITTEE ARTICLE LAWMMAN SEM A NI

*Dt. 31.7.2017*
*Tumpui Local PYD Kumpuan Article lawmman sem inkhawm*
Tumpui Local PYD Kumpuan Sub-Committee hmalaknaa Article inziahsiak thawhkhatna (Jan. - 15. June, 1017) lawmman sem inkhawm chu zanin khan neih a ni a, hun hlimawm tak hman a ni.

Bro. C. Lalmawizuala, Kumpuan Sub-Committee Chairman-in Inkhawm kaihruaiin Sis. Lalremruati Renthlei, Committee member in hunserh a hmang a, Sis. C. Lalhminghlui'n thiam takian Pentecost Ni ami ngei kha tih hla sain, Bro. Lalroenga'n thiam takin Vanglai Nun hi tih hla a sa bawk.

Bro. R. Lalthanpuia, Bial PYD Kumpuan Sub-Committee Secretary-in thusawiin Tumpui Local atanga thil tam tak a zir thu leh rawngbawlna kawnga a sawtpui thu a sawi a, Bial chhung Local zinga Kumpuan Sub-Committee ding awm chhun an ni chu lawmawm a tih thu sawiin an hmalakna tha a tih thu a sawi a. Chanchintha thehdarh kawnga nasa taka hma la turin thalaite a fuih. Mat. 14:15-17 thu sawilangin Isua'n, 'Nangmahnin ei tur pe rawh u' tia a sawi angin mite ei tur pe turin keimahni lam kan intodelh hmasak a ngaih thu a sawi.

Article endik tura ruat zinga mi Upa R. Lalnunamawia'n thu sawiin, 1 Tim. 4:13 thu "chhiar te, thuhrilh te, zirtirte bei uar rawh" tih thu a chhiar a. Zirtur leh chhiar tur kan neih theihna'n ziaktu kan awm a, kan ziah a ngai a ni tiin thuziak thiamsa kan awm lova, kan ziak pung a ni a ti a. Hla kan sak pawh hian hlathu awmzia ngaihtuah ngun a ngaih thu sawiin hlahriltute pawhin Hlathu-in a tum tak sawi chhuak tura hlathu hriatchian a tul thu a sawi. Ani hian Article ziah chungchanga hriat tur pawimawh tak tak te a sawi a ni. Evan. Zoremmawia Hlondo, endiktute zinga mi pawhin thu a sawi bawk.

Evan. Lalrelkima Renthlei, Local PYD Kumpuan Sub-Committee Secretary in report pein Local PYD Kumpuan Sub-Committee ruahmanna siam leh hmalak dan hrang hrang a sawi a. Lawmthu sawiin Bro. Lalliansanga Ralte, Treasurer nen lawmman sem an buaipui bawk.

*_Lawmman dawng tu te :_*

Kum 18 chin chunglamah - Sis. Lalremruati Renthlei

Kum 18 hnuai lamah - Bro. Lalroenga

Article ziak hrim hrim te hnenah Consolation pek niin heng lawmman la tute thuziak hi Thlamuantu Chanchinbu a chhuah turin hma lak a ni ang. Article thupuiah hian 'Eizawnna kawnga Intodelh' tih hman a ni.

July - 15 Dec., 2017 chhung hian Article inziahsiak thawh 2-na hi neih tur niin Word 1000 aia tlem lova ziakin hruaitute hnenah thehluh theih a ni.

Inkhawm zat - Mi 33

Thawhlawm - Rs. 287/-