Local PYD Group Meet hman zawh a ni ta

Dt. 5.5.2015

Harsatna neuh neuh awm mahse Local PYD chuan hun engemaw chen atanga an lo rel tawh Group Meet chu Dt. 4.5.2015 khan hlim takin an hmang zo ta.

Chhun lamah Community Hall-ah hman niin 10:30am ah tan a ni a. Local PYD OB leh Group OB thenkhat te pawh damlohna avangin an kim theilo naa Member kal an tha a, naupang lam pawh engemaw zat telin anni hi Group ah te hian thendah an ni. Bro. R. Lalnunzira, Bial PYD Vice President-in Programme kan ngaihpawimawh deuh deuh a tul thu sawiin a tawngtai a. Member inchhiarin bul tan a ni a, hemi hu hian infiamna chi hrang hrang hmanga inelna neih chhunzawm a ni a, Sr. Upa Rualchhina Group ten 109pts hmuinhma an hruai a, Sr. Upa Lalsangluaia Group ten 103pts hmuin an um a, an inthlauhna hi 6pts a ni. Heti hi a ni chhun lam programme chu.

Zanlamah Bro. Lalrinchhana, Fin. Secretary-in a kaihruai a, hunserh a hmang nghal. Member inkhawm an tha a, Naupangte leh LAD ten an tawiawm tha hle mai. Hemi hnu hian Thu leh hla hmanga intihsiakna neih chhunzawm nghal a ni a, member te pawh an tang tih a hriat mai a. An Leader te pahnih pawh an chetha e. Local LAD Zaipawl ten Kan velah buhseng tur tam tak a hmin ta e tih hla thiam takin an sa bawk. Inelna zawh hnu hian Point hmuh dan puan niin Sr. Upa Lalsangluaia Group ten 167pts hmuin Sr. Upa Rualchhina Group ten 164pts an hmu. Inkhawm ban hian Thingpui leh a hmeh buatsaih chu eia in ho a ni. Heti hian Group Meet chu hman zawh a ni ta.


Comments :
1. Kan tunlai dinhmun enin member kan kal tha a, a alawmawm.
2. Group OB te chhan hriat siloh a kan ka kim lo kha a fuh lo khawp mai a, a lehpekah chuan awm tawh lo se.
3. Items thlan a fuh hlawm viau.
4. Zan lam Items erawh kan inbuatsaih thalo tih a lang reng mai a, relna thla hnih lai a ni tawh chunga khatiang lek kan ni kha chu a fuh lo hle. A lehpekah chuan hetiang hi ni tawh lo se, theih tawp i chhuah thin ang u.
5. Zanlam kaihruaitu hian hetiang Programme liantham deuh hi a vawikhat kaihhruaina niin ka hria a, a kaihruai tha viau mai.
6. Programme buarchuar a awm lo a, a ninawm hman loh a, a tha
7. Inchhiar hmain (Inkhawm tan lai) Sr. Upa Sangluaia Group te mi 13 an ni am ban dawnah mi 15 an ni a, 2 iin an pung a. Sr. Upa Rualchhina Group te inchhiar hmain mi 15 niiin inchhiar hunak mi 9 chauh an ni ta a, an haw then tihna a ni a, a fuh lo viau. Programme ah hian harsatna engemaw bik kan nei a nih loh chuan a tawp thleng awm turin tan i la thar ang u
8. LAD member 19 an rawn tel a, PYD member nilo mi 6 in an chhim bawk.
9. Local OB te an kim tha khawp mai (Vice President tih loh). A lawmawm. Adviser in a ho thei bawk a, a thlamuanthlak.
10. Beisei phak bakin a hlawhtling niin ka hmu a, a lawmawm. Pathian hnenah lawmthu i sawi mawlh mawlh ang u.