PRAISE & WORSHIP CUM BETHEL
TUMPUI LOCAL PYD_28TH DECEMBER 2021 @ 6:00PM
TUMPUI BIAK IN
Tumpui Local PYD Kumpuan Sub-Committee rawtna anga Local PYD hmalaknain Dt. 28.12.2021 (Thawhlehni Zan) 6:00PM khan Tumpui UPC Biak Inah Praise & Worship cum Bethel neih a ni a, hun hlimawm tak leh hlawk thlak tak hman a ni.
He Programme hi Local PYD Kumpuan Sub-Committee ten bual tanin ruahmanna an neih angte Local-ah an thlen a, Local PYD-in remtih sakin a huaihawt tak erawh Kumpuan Sub-Committee lam hian an buaipui thung.
Kumpuan Chairman, Unaupa Lalrinchhana leh Secretary, Unaupa Lalrinmawia Chenkualten an kaihruai a, an rauin an inbuatsaih tha bawk a, an kaihhruaina hnuaia hun hman a nuam hle. Sis. C. Lalruatfeli, Kumpuan Treasurer-in hunserh a hmang.
Hemi pual hian hla thlan bik neih a ni a, chu chu a bu-a siamin a hmunah hian sem a ni a, hla thiam lo tan pawh a bu en chunga zai theih mai tura ruahman a ni hi a fuh thlawt a ni.
Theihtawpin Pathian fakna hla sakho a ni a, a karah hian Thlarau nun chawm thei thu sawi a awm reng bakah theihtawpa tawngtaiho a ni bawk a, thlarau lam malsawmna pawh a thleng nasa. Mahni duhthu pawha awm thei lovin thlarau kaihhruai ang angin an han awmte kha hmuh a nuam mange! Thlarau lam hlate nen hun nuam tak hman a ni. Kalkhawmte pawh rilru pelo deuha zai emaw, tak lo deuha awm an awm miah lote kha a van ropui tak. Thinlung takin Lalpa fakin thalai rual an zai a, an thingthi a, an zuang a, an ban an phar suau suau a, a then an bawk khup a, a va nuam em!
Hriat theih chinah thlarau dawngthar hi 2 an awm a, hun hman zawh hian Baptisma khur hawn niin mi 2-in Baptisma an chang a, Evan. Lalrelkim Renthlei, Local PYD Secretary-in Baptisma a chantir a ni.
Hetianga hun hman a nih zawh hnu hian Sawhchiar tui tak ei ho a nih bakah Thingpui tui tak inho a ni bawk.
Inbuatsaihna a thain mawhphurhna neite an tang tih a hriat a. Theih tawpin an hunawlah hla an zirho thin a, zai hruai tur leh rimawi tum tura ruat bik awmin anni hian hemi zana hla sak tur hi nasa takin an lo zir lawk vek a, live music-in buaina awm miah lova Zai an han hruai thei kha an fakawmin a ropui ngawt mai. Kaihruaitute pawh an rauin an inbuatsaih tha tih a hriat a, a khamawm loh tak zet a ni.
Sap ho leh Pawl dang chauhin an tih thin emaw kan tih kha kan lo tlin ve reng mai.
Avan ropui ém🙏🙏
ReplyDeleteA la hlu dawn chauh!
Ni e, a la hlu ve viau ang. I lo comment avangin kan lawm e
DeleteA van tha em aw.... In chanchin leh in hmalakna hrang hrang chhiar a nuam hle mai... In hmalakna hrang hrang te enkual in ka mengrei hle mai a
ReplyDeleteKan va lawm ve, min lo hlut sak avangin. Kan theih tawk hi a tlem thin em a
Delete