PYD TEN INKHAWM KHAR ZAN ROPUI TAKIN AN HMANG

PYD TEN INKHAWM KHAR ZAN ROPUI TAKIN AN HMANG

Ṭumpui local PYD te chuan December ni 20.2021 zan khan kum 2021 chhunga ṭhalai inkhawm hnuhnung ber leh inkhawm khar zan hun an hmang a, gift exchange an nei nghal bawk. Inkhawm hi T. Upa Lalliansanga Ralte, Vice President-in kaihruaiin, Mosia Group Secretary, Bro. Freddy Lalrinkima'n hunserh a hmang.

Bial PYD O.B te leh Local Church board O.B te sawm an nih angin an ṭawiawm ṭha hle a, Bial PYD O.B te aṭangin Financial Secretary tih loh hemi zan hian an kal kim vek a ni. Anni hnen aṭang hian fuihna thu ṭha tak tak ngaihthlak a ni bawk.

He hunah hian Bro. Lalroenga leh Sis. C. Lalhminghlui ten zai rawngbawlna neiin fak hla nalh tak tak hmangin member te an awi reng a. Fak hla dang hmang tein inpawlhona hlimawm tak neih a ni bawk.

Group leh Sub-Committee te aṭangin report ngaihthlak a ni a, hetiang hi an dinhmun tlangpui a ni. 

Kumpuan Sub-Committee :

Member - 91

Sum lakluh zawng zawng - ₹ 4,300

Hmanral zawng zawng - ₹ 662

Kuta la awm - ₹ 36,38

Joshua Group :

Member - 36

Sum lakluh zawng zawng - ₹ 9,380

Hmanral zawng zawng - ₹ 6,564

Kuta la awm - ₹ 2,816

Mosia Group :

Member - 37

Sum lakluh zawng zawng - ₹ 10,340

Hmanral zawng zawng - ₹ 10,328

Kuta la awm - ₹ 12

Mosia group te hian an Group Project; wireless microphone ṭha tak (Ahuja) chu Kohhran ah an hlan nghal a ni.

Kum 2021 chhunga Group hmala ṭha zawk Joshua Group hnenah Local PYD chuan lawmman ṭha tak a pe a. Heng bakah hian mimal hnenah lawmman hrang hrang hetiang hian sem a ni.

Inkhawm ṭha :

1st T. Upa Lalliansanga Ralte

1st Bro. H. Lalduhsaka

1st Sis. C. Lalnunfeli

2nd Evan. Lalrelkima Renthlei

2nd Sis. C. Lalruatfeli

2nd Bro. Lalbiakliana

3rd Sis. R. Vanlalkhawngaihi

3rd Bro. Lalrinmawia Chenkual

Hrileng avangin kumin chhungin PYD inkhawm vawi 11 chiah neih a ni a, lawmman pakhatna latute hi vawi 11 inkhawmin an kal kim a, pahnihna hian vawi 10, pathumnain vawi 9 te an inkhawm a ni.

Hnatlang :

1st T. Upa Lalliansanga Ralte

2nd Evan. Lalrelkima Renthlei

3rd Sis. R. Vanlalkhawngaihi

3rd Bro. Lalbiakliana

Hnatlang vawi 16 neihah hnatlang tam ber hi vawi 15 a hnatlang a, pahnihna vawi 14, pathumna vawi 13 te an hnatlang.

Committee kal ṭha :

T. Upa Lalliansanga Ralte

Evan. Lalrelkima Renthlei

Sis. C. Lalruatfeli

Bro. Lalbiakliana

Committee hi vawi 5 neih niin a kal ṭha ber hnen ah chiah lawmman hi pek a ni a, lawmman latute hi an kal kim vek a ni.

Intihsiakna lawmman piahlam ah hian local PYD ten a bik taka an sawm, Bial PYD O.B te leh Local Church Board aiawh Upa R. Biakthanga, te hnenah lawmthu sawina thilpek hlan an ni a. Tin, local PYD Thlamuantu Agent leh member pali dangte hnenah Special Gift pek an ni bawk.

Programme-te tluang taka hman a nih zawh ah Local PYD President T. Upa Lalmawizuala'n kum 2021 PYD inkhawm zan hnuhnung ber chu Isua hmingin a khar a ni.

Inkhawm ban hian thingpui leh a hmeh tui tak (special cake) buatsaih chu eia inho a  ni.