SUNNA

SUNNA

Sis. Lalnunziri, Unaupa Kapmawia nupui chu Dt. 10.3.2022 zan dar 8 leh a chanve khan an chenna Inah a boral.

Sis. Lalnunziri hi kum 1982-ah Saiphai ah a piang a, unau hmeichhia 3 leh mipa 2 a nei. Fanu 3 neiin 2 in pasal an nei tawh a, tunah hian 1 an awmpui mek a ni.

Kum 2018-ah Unaupa Kapmawia nen hian inneiin Tumpui Vengah an khawsa a, fa erawh an nei lo.

Kum 2020 khan UPc of Mizoram atangin kan Kohhranah an rawn inpe a. Biak In bul maiah awm thinin hun engemaw chen an awm hnuah tuna an chenna; Karkawnah hian an insawn a, a boral thlengin hetah hian an awm a ni.

Thilpek leh a phak ang tawkah chuan Kohhran tana thahnemngai tak a ni a, mi dangte ngainat pawh a hlawh hle.

Nat lawk em em pawh awm lovin a khua a sik deuh a, chhun lamah pawh harsatna engmah a nei lo va. An mut tawh hnuah inleng an nei a, mut a duh zawk avangin a pasalin an inleng pawh lo chhawnin darkar 1 vel zet an inkhawm hnuah a mut dawnah Sis. Ziri taksa chu a lo dai vek tawh tih a hria a, a marphu pawh a lo awm tawh lova, inchhan hmanah ngai lovin damdawi in pawh panpui a ni ta lo a ni.

A boral zan hian lumen niin a tuk; Dt. 11.3.2022 chawhma dar 11-ah Rev. B. Vanlalruata, Bialtu Pastor-in a vui a, thlanmual lamah Bialtu Upa; Upa R. VL Hmangaiha'n hun a hmang thung.

Kohhran hoten inenkawlna kan neih angin Dt. 13.3.2022 (Chawlhni) Zing dar 7-ah an chenna Inah ralna inkhawm neih a ni a. Upa R. VL Hmangaiha, Bialtu Upa-in inkhawm kaihruaiin, T. Upa C. Lalmuanawma'n Pathian thuchah a sawi a. Kohhran aiawhin T. Upa VL Dika Pachuau, Kohhran Treasurer-in ralna thilpek a hlan a, Local LAD aiawhin Sis. Lalzarzovi'n ralna thilpek a hlan bawk.

Kohhran hoten lusun chhungte tawngtai pui mawlh mawlh ang u.

Lusun chhungte Lalpa'n thlamuanin awmpui zel rawh se.